黎彼得否认烂赌输身家　生意失败尝尽人情冷暖：我嗌结婚冇人嚟

现年75岁的殿堂级填词人黎彼得（Peter Li），70至80年代与许冠杰合作无间，创作过《浪子心声》、《打雀英雄传》、《梨涡浅笑》、《卖身契》等脍炙人口歌曲，被封“鬼马填词人”。近日黎彼得接受杨绍鸿YouTube节目访问，大谈入行经过。“百足咁多爪”的他虽然赚到钱，但却屡传烂赌输身家，黎彼得否认，称是因为生意失败，还感慨当年结婚“冇人嚟”，到贺朋友寥寥可数。

黎彼得透露自己仅得小五学历，还只读了两星期，因为爱听粤曲，幼年时常流连戏班，耳濡目染，令他中文水平提升。黎彼得九岁丧父，长大后当私人司机，闲来投稿，后兼职为《年青人周报》写专栏，专栏名为《柴可夫司机手记》，他说：“我好彩，揸车佬但撞到许冠杰，做咗老友，冇学过填词，以前冇填词训练班，掉低老细就坐低鬼画符咁写吓，改吓歌词，第一只歌将丽莎《相思泪》改成《伤心泪》，谭炳文喺《欢乐今宵》唱红咗”。杨绍鸿赞黎彼得是天才，说：“冇乜文采边写到‘难分真与假 人面多险诈’呢啲歌词”，黎彼得说：“创作有神来之笔，有时𠮶条友博士嚟，博士都写唔到啦，林敏骢都好劲，佢以前跟我㗎嘛，不过唔好讲我同佢啲恩怨....揸车佬粗人一个有鬼文采咩”。

作词之外，黎彼得又曾在嘉禾电影公司及无线电视（TVB）任职编剧、电影监制以及创作经理等工作，赚钱能力高，但有传因烂赌输身家。黎彼得承认曾“黐埋”萧若元等损友身边赌钱，但非致命伤，他称是与一名医生朋友，以及朱玲玲现任丈夫罗康瑞的公司一起搞建筑材料运输生意，但访问中却忘记罗康瑞名字，错指是朱玲玲前夫“霍生”霍震霆。后来因时任特首董建华的八万五房屋政策，令楼市急泻，黎彼得亦因此蚀大钱。

黎彼得说：“揾到都散埋啦，啲人以为我烂赌、滚女，瓣瓣都唔关事，我曾经喺北角买楼，入过‘棺材’即税局，蚀埋（生意），使埋仲有少少，但罚你咁多冇晒啦。卖完楼就去沙田租屋住，卖咗北角楼，丁屋要补地价，失业仲撞到红颜知己，后来变老婆送汤就有埋个仔，痴男怨女呀，唔系一个老人家咁嘅质素点会嗌结婚吖”，他还意外爆鲁振顺有两个物业，离巢TVB后应不愁生活。

黎彼得称身边一向没有女伴，突然宣布婚讯，有朋友还以为是愚人节，但生意失败亦看尽人情冷暖，他说：“我嗌结婚冇人嚟，刘嘉玲又唔嚟，剩得吴君如一个嚟，以前成班小花同我好friend，其他送花篮，成龙、洪金宝有送花篮，许冠杰都有嚟，个别有嚟”。

近年黎彼德主力做YouTuber，却被指“口臭”经常得罪人，他表示自己有底线，说：“我闹人有冇畀过律师信我？同埋有冇喺街揼我？有冇好似梁思浩咁，我假设啫，冇，因为我全部有余地”，他表示与李龙基、夏韶声等全部相识多年，但承认做节目如履薄冰，好惊得罪人。