林芊妤一孕傻三年　错手丢儿子暑期作业冇功课交：我做阿妈好失败

9月1日是莘莘学子的开学日，返学第一件事当然是要交暑期作业，但有云“一孕傻三年”，正在陀第二胎的林芊妤（Coffee）就正完美演绎了这五个字。Coffee在开学前一晚，于社交平台自爆掉晒囝囝翟德彦（彦彦）的暑期作业，令囝囝冇功课交！

Coffee自责做人阿妈做得好失败，她透露：“话说我个仔喺暑假放咗10日已经做晒啲暑期功课，我都帮佢检查完无问题，跟住佢好有手尾，将暑期作业收左喺书柜同小一d书本放埋一齐，头先同佢喺度执书包，先发现⋯我前两日帮佢间房大扫除嘅时候，当时系谂住帮佢掉晒啲小学一年班嘅书同埋作业，点知我连检查都冇检查，就连埋做完既暑期作业都一齐掉埋😭😭😭”

她指囝囝得悉后非常伤心，因为当时做功课做得很辛苦，而且也很怕老师责备，Coffee表示：“本身已经系大头虾，再加上大肚婆真系会特别大懵同埋蠢😭 我呢排已经系咁做埋啲傻野，今次仲要连累埋个仔，好唔开心呀！！！！我点解会咁架？！真系最怕有个猪队友妈妈⋯⋯⋯⋯⋯⋯⋯⋯”Coffee指儿子很只是扁嘴和表示怕俾老师闹，很明白事理、很懂事，但她也不禁问广大网友：“咁样掉咗你哋嘅暑期功课系咪会好憎阿妈😭😭”

很多网民都留言安慰Coffee和分享自己的经验，叫她一定要代儿子向学校解释，别让彦彦独自面对，Coffee之后再更新最新情况：“发现自己掉左佢辛辛苦苦完成左既100页既暑期作业后，其实当刻真系好想逃避好唔想话佢知我整唔见，因为我怕佢会唔开心训得唔好，但过咗几分钟之后，我沉淀完自己心情就喺度谂丑妇终须见家翁，然后就同佢自首左，都同佢好真诚咁讲左对唔住🧎‍♀️再写左封信俾佢今日交返学校俾新老师，跟住今朝一早7点几我就打电话返学校，亲自同老师解释左同say sorry ，老师都好明白事理话唔紧要叫我唔好太自责，做晒就ok反正个学习过程先系最紧要。”

Coffee大赞班主任好好，相信儿子今个学年都会好幸福，她又表示自己会“食少啲虾，唔好再做大头虾。”Coffee又透露自己问过儿子，如果下次妈咪再次大头虾，他会怎么做，伯伯回答：“我下次会将暑期功课摆定系书包入边，再写纸贴住提你唔好掉左我d功课。”令Coffee觉得非常窝心和乖仔，她又说：“唉⋯正面啲咁谂，有个咁懵嘅阿妈，个仔应该会比较醒同比较有责任心既👉👈”