杨证桦再出手助跌穿头伯伯获大赞：我都无谂过会俾人影到

现年50岁的TVB绿叶杨证桦，与太太沈可欣瓣数多多，同时亦亲力亲为落手做，相当贴地。近日有网民直击杨证桦再次出手相助受伤老伯，大赞热心助人。

杨证桦与太太除了幕前工作，又开设美容绣眉、宝石培育公司，之前又投资荣升保安公司老板，落手落脚担任演唱会保安，相当专业。早前更被启德体育园睇中，邀请他拍摄启德体育园宣传片。除了落力工作，杨证桦亦不时被发现私下好人好事，继上次出手帮忙指挥交通后，有网民在元朗目击有位伯伯跌穿个头，一名女士上前帮忙止血，杨证桦就伸脚畀伯伯挨住，大赞杨证桦经常出手助人。

就此杨证桦回复01娱乐讲述当时情况：“我去停车场俾钱时，听到保安话出面有个伯伯受伤，我畀完钱就出去睇下有无嘢可以帮手。出到见到有个女仔已经帮佢疗理伤口，我就行埋去叫周围嘅人散开少少俾佢抖气，同埋叫佢先放低手上食物。然后见佢好似个姿势好唔舒服，放只脚叫佢用舒服少少挨喺我度，等救护车嚟啦。当时我见到救护员嚟到，伤口都几深可能都见骨。中间我都有问伯伯有无想呕想晕，佢都好清醒对答流利，就安心少少，我都无谂过会俾人影到。”