女神配对计划 ｜12位求爱勇者深情告白 GM向叶蒨文发表唯一宣言
女神配对计划｜由林盛斌（Bob）担任金牌媒人兼主持的无线热播恋爱综艺真人骚《Funki Finance呈献：女神配对计划》，将于9月8日起一星期播出六集结局篇《最后告白》，播映时间为9月8日至12日晚上十点半、及9月14日晚上八点翡翠台。12位求爱者将向心仪女神说出“十年后的深情告白”，女神感动爆喊，令不少网民肉紧又期待。
根据之前播出的《最后告白》预告片，12位求爱勇者／男同学将向心仪女神说出“十年后的深情告白”，而近乎全数女神的观后反应都离不开爆喊，令不少网民肉紧又期待。昨日（4日），制作组率先播出了罗毓仪Yuki组两位勇者—林俊其（Kris）及Cyrus的时间囊深情告白，当中Kris“十年后的家的承诺”，获网民洗版式留言嗌感动，皆因既有扎实的承诺，亦满载了对Yuki的溺爱。
Kris全文节录如下：“十年后，我会笑得多咗，我会变成阳光男孩，因为你十年前同我讲过话钟意我笑，我都好钟意睇到你笑…同埋十年后，我谂你应该饮咗几千万壸咖啡，因为你曾经同我讲话想饮咖啡，依家已经变成咗每日一杯，同埋（每日）一个早餐，因为你讲过你唔系好识煮嘢食，等我煮畀你食，同埋之后可能我哋会研究好多唔同嘅新菜式，因为你同我讲过好想试我唔同嘅菜式，叫我煮多啲，咁你就应该做咗我十年嘅白老鼠喇。”
“同埋我哋十年后应该会成为视帝视后，因为我哋呢十年不断一齐研究，成为咗对方嘅演戏导师，你嘅作品，我会每晚同你一齐去谂唔同嘅桥。最后我想同你讲，十年后，我哋可能会有一个属于我哋嘅家，因为你同我讲过你想有一个属于你嘅地方，呢个地方系畀你遮风挡雨，同畀你知道原来仲有好多地方系可以保护到你。”据知，在《最后告白》正式开播前，官方还会陆续推出余下10位求爱勇者的深情告白，万勿错过。
网民的话节录：
“讲到同Yuki有个家，喊咗，好感动呀！Yuki有Kris一定好幸福”“呢个承诺很大”、“我明点解会喊啦”、“用嚟求婚都得了”、“祝福你们直到永远！大家都要好好珍惜对方”、“好感动，好真诚～加油呀阳光男孩”、“哗！好感人，要大手入定纸巾，下星期晚晚感动”、“喜欢呢Pair，未必系最受瞩目最受万人爱戴嘅一对，但你明白我，我相信你就足够啦”、“十年后嘅一个家，简简单单嘅爱平平淡淡嘅幸福，希望你真心做得到，就用时间证明一切，对的时间对的人，加油吧”
凭高质感、超真诚“爱的告白”赢尽网民支持的Kris，昨晚获曾展望GM邀请与节目监制联合开Live，大爆《女神》幕后不为人知的二三事！原来Yuki在Dating Camp期间由于意外喝醉，Kris为了照顾Yuki，拿著大型垃圾桶追著Yuki很久很久，暖男度爆灯。
Kris笑言当时情景劲难忘：“其实王菲都喺度嘅，𠮶时佢话要去厕所，咁我哋咪跟实佢，点知途中佢话唔舒服，想呕，我咪即刻睇吓附近有咩，点知乜都冇，跟住见到有劲大嘅垃圾桶，我咪一路拎住个垃圾桶一路跟住佢，𠮶幕真系好正。”官方今日发布了相关被删画面，镜头所见，Kris全程全神贯注地拿著大型垃圾桶“追踪”著Yuki，一见Yuki有异动即将垃圾桶推向前，细心及暖男到不得了！
GM则坦认自己从未试过这样追求一位女孩，证明了Sophie是他爱情路上的唯一，极度浪漫，GM：“我好少为追一个女仔而追一个女仔，通常都系自然一齐，大班人一齐玩时，你会feel到同边个夹架嘛。我好少可指名道姓咁表达心意，好少做咁多……大家睇节目睇落去就会明。”GM又自爆拍摄三角台饭局当晚，其实还未正式玩游戏前，心情十分紧张忐忑：“我喺出面（等埋位时）行咗三、四十个圈，喺度来回踱步谂要讲啲咩，因为我又唔系完全唔识佢，但到底讲咩好啲呢？”席间有不少网民好奇GM及Kris上节目原因，GM直率谓：“得一个原因咋嘛，咪就系为咗个女神咯！”
另一个不为人知小秘密，是原来拍完三角台饭局后，Sophie因有感GM表现太紧张，一度向制作组求情尽量避免将GM太紧张的镜头剪出街，原因只是纯粹想保护作为同事的GM，相当体贴又Sweet，GM知道实情后亦一脸冧样。
GM及Kris在live中一再强调节目无论前期及后期制作均相当认真，以Camping为例，现场便至少有40部摄影机对著他们。GM及Kris又透露想拍摄《女神》旅游番外篇的意愿，并预告叫大家收看最后一星期的结局篇时，一定要预备大量纸巾！