叶童黄德斌合作话剧《唔讲得》获好评 叶童：演得好过瘾好开心
唔讲得｜由叶童和黄德斌领衔主演，改编自上海话剧艺术中心原创舞台剧《不可说》的广东话版黑色话剧：《唔讲得》9月4日在香港文化中心大剧院重演，现场座无虚席。
香港著名导演林超贤、电影监制梁凤英及王雅琳、著名粤剧及电视演员盖鸣晖、著名时装设计家邓达智、女摄影家卢玉莹和极地探险家李乐诗博士等均有现身支持。
《唔讲得》载誉归来 导演胡恩威：应该场场都睇
进念•二十面体 (实验艺术团体) 联合艺术总监胡恩威在谢幕时说：“有啲观众应该睇咗好多次《唔讲得》，有啲可能系第一次睇，其实《唔讲得》第一次演出系喺去年11月，唔够一年时间又返番嚟主场，中间我哋去过吉隆坡同埋广州，反应好热烈，所以希望大家都俾啲好热烈嘅掌声俾我哋嘅演员。呢部剧系不断咁变化，所以大家应该场场都睇，我哋每次都加啲新嘅元素，好似我哋今次就加咗唱歌，而剧本身有种开放性，大家可以好放松咁去睇，睇得明又得，睇得唔明又得。今次演出仲有好特别嘅地方，我哋用咗好多新嘅舞台技术，包括灯光、音响同投影，同埋有好多影象系即时整出嚟，唔系预先整好。所以我希望大家比掌声灯光设计嘅麦国辉，音响设计嘅杨我华，后台嘅李浩贤、周俊彦、陈安琪，重有于逸尧同陈浩峰，佢哋两个负责设计音乐。”
监制陈善之Joe接著说：“首先多谢大家嚟支持我哋，好开心由上年11月到今年9月又可以重演，中间经过两个唔同嘅地方，反应都好好，当然希望呢几晚嘅反应都系同今晚一样：好、好好、更好！另外，真系要多谢台上呢五位演员，因为呢个剧真系唔容易做，佢哋每一晚都有好新、好唔同嘅感受去呈现部剧俾大家睇，亦都真系好希望香港嘅观众会接受一啲比较新颖同实验性嘅制作手法，去呈现一啲同我哋生活同人生息息相关，令到大家会有回响同埋回想嘅剧种，有你哋支持我哋会一直努力落去，多谢。”
胡恩威续说：“最后就卖下广告，嚟紧有套实验粤剧叫《顶头锤》，德斌都会参与，我哋会有啲新尝试，有一班新嘅粤剧演员，同埋有卫骏辉呢位好有经验嘅粤剧演员，我哋试下做一啲好玩嘅嘢，向我哋细个睇粤语长片里面任姐同仙姐嘅电影致敬，希望大家有兴趣都会嚟支持，同埋希望大家再次比热烈嘅掌声比咁多位演员。”全场掌声过后，胡恩威补充说：“我漏咗多谢一个最重要嘅人，通常漏咗讲就系最重要 ，佢就系帮我哋做服装同造型嘅奚仲文先生，我哋要比啲掌声佢。”
黄德斌叶童分享舞台心声 感谢观众支持
回到后台后，德斌表示：“今晚系《唔讲得》香港重演嘅第一场，心情有小小紧张，今次重演有啲新变化，我都想道个效果系点？演出果阵观众嘅反应真系几好。另外，今日我要唱几句歌，好彩有叶童姐姐带住，我觉得都算过到骨，希望观众都钟意。”
叶童则说：“《唔讲得》系香港文化中心大剧院演出，觉得好开心好兴奋，因为对一个演员嚟讲，系大剧场演出系好骄傲同光荣嘅一件事。我哋《唔讲得》可以话系载誉归来，今次重演得到好多人嘅支持，但都有小小紧张，因为担心有啲睇过嘅观众会唔会觉得好重复，但我自已就演得好开心，系抱住一个尊敬舞台，享受舞台，同埋好想将个故事呈现比大家。我觉得个故事真系好吸引好特别，虽然我系一个演出者，但系我每次演译呢个故事都有唔同嘅感受，正如头先导演所讲我哋次次都唔一样，因为我每一次对于我自已嘅角色，同埋身边嘅 Partner 都有唔同嘅感受。所以我演得好过瘾同好开心。今次导演有啲调整，就系加咗歌曲系剧里面，呢两首歌都系我非常非常钟意嘅歌，系我一个好尊敬嘅香港乐坛女歌手嘅歌，好高兴同埋好荣幸可以演译佢嘅歌，我尽我所能去唱，我嘅风格可能同呢位巨星嘅风格唔一样，但系唔知道系咪有佢嘅灵魂系我个心里面，所以我自已都唱得好投入。今日系第一场重演，观众反应热烈，俾咗我哋好多鼓舞，希望第二场、第三场、第四场同埋第五场会有更精彩嘅演出。”
《唔讲得》5 - 6日为夜场晚上7时45 分场次，6日特别加开下午2时30分场次， 7日为日场下午2时30分场次，票价分别为$680、$480、$280 和$180 四种，现尚余少量门票于进念购票平台及城市售票网公开发售。