港姐冠军陈咏诗火辣照惹关注 李尹嫣：呢世都唔会影呢啲相

今届港姐“最上镜小姐”李尹嫣今日（9/9）现身沙田出席珠宝品牌活动。对于今届港姐冠军陈咏诗火辣照流出引起网上热讨，有不少网民认为影响港姐形象，但亦有网民力撑绝显新时代女性美。

李尹嫣接受《香港01》访问时表示：“其实好多人都叫我哋新时代女性，同埋我哋今年港姐口号都系成就无限可能，而佢自己影啲相，佢觉得冇问题，我哋都觉得都冇问题。不过如果系我，我谂呢世都唔会影呢啲相，可能本身自己比较怕羞，因为我系保守派。（可能你有影冇摆出嚟！）哈哈，咁你要睇吓揾唔揾到。（如果你真系有影呢啲相，够唔够胆摆出嚟？）我谂我真系唔会，而我都有同屋企人讲笑，而我屋企都讲呢一世都唔会再见到我会再摆3点式号相，只能喺港姐呢度先揾到。（妈咪俾唔俾你Po性感相？）妈咪好支持我，由得我自己发展。”