侠医｜游嘉欣靠“神来之风”气场全开　自爆美好线条因勤力做gym

侠医｜由无线新晋监制陈萍、携同编审麦世龙及黎倩仪携手炮制的全新正气剧集《侠医》，逢周一至五晚八点半翡翠台播映，主要演员有陈豪、张曦雯、马贯东、丁子朗、刘佩玥、谭凯琪、冯皓扬、郭柏妍、游嘉欣、郑子诚等。今集周静芝由于身体残障画作不受尊重，因而“踩场”艺术展，并将自己的画作搬到主展区。

在《侠医》中饰演周静芝的游嘉欣，角色因脑麻痺关系要长期轮椅代步兼左手未能自由活动，但坚强的静芝并未因而放弃人生，并一直默默努力绘画“飞天饺子”圆梦；不过由于身体残障及种种其他因素，静芝有感自己的心血不受尊重，因而“踩场”艺术展，并将自己的画作搬到主展区表达对主办方将伤健人士作品边缘化的不满！9月11日晚静芝离开艺术展时，由于眼神够晒坚定、兼且秀发飞扬，整体感觉够气场又有型，网民留言激赞：“喜欢倔强的游游”、“呢幕好型！”、“坐轮椅的戏应该不好拍，游游又一突破”、“游游同家俊（冯皓扬饰）又几衬㖞”。

游游事后接受官方访问时，笑言当下的秀发飞扬全靠“神来之风”：“其实𠮶场戏拍咗几个take，只有𠮶个take系特别有风，而且系我觉得真系（自己）做得最好嘅一take，同埋我自己睇番都觉得：‘嗯，系几型㖞。’所以我觉得好开心，今次畀大家睇到我有呢个变化”、“以前我嘅角色都比较小妹妹、或者斯文柔弱啲，好少畀观众睇到我演咁硬朗嘅角色，今次个角色会姐姐啲、硬朗啲同坚强啲，见到大家觉得我真系做得出𠮶个感觉，我系好开心嘅。”

侠医｜游游穿衣显肥脱衣显瘦

另游游9月11日以Sporty Look现身《侠医》记者会时，美好身段表露无遗，除了一双修长美腿、还有操得甚弗的腹肌及背肌，面部线条亦没有之前拍摄《罗密欧与祝英台》圆润。不过游游受访时透露并未有刻意减肥，笑言自己“穿衣显肥脱衣显瘦”之余，并大爆原来已拥有七至八年gym龄：“其实我一直有刻意Keep fit嘅，咁就冇话最近真系特别咁去减肥。我本身都有一个好规律嘅运动模式，即系可能一个礼拜做两日gym、跟住再做啲Cardio或者打吓Tennis咁，我系咁多年嚟一路都系keep住咁样去做。”、“我系穿衣显肥、脱衣显瘦嘅人嚟，我上镜呢点样都系会觉得圆圆润润咁，所以可能有时着衫多、人哋第一印象就会觉得我肥，但如果我一着少啲衫，啲人就会话：‘咦，原来你都几瘦㖞！’”

游游续指之前予人感觉特别圆润，是因身体出现了小毛病，幸好最近已康复：“我记得特别系喺《大夫》、《罗密欧》𠮶段时间呢，我身体出现咗少少问题要食西药去改善，我谂系啲西药嘅副作用令到我个人好肿咁，因为我真系冇停过运动嘅，但𠮶个阶段就一路都冇咩成效咁，去到后尾我停咗啲西药、再调理好番个身体之后，再加埋正常嘅运动同作息，就keep到依家咁。”、“所以有时真系唔好将自己Push得太劲，我可能就系将自己逼得太紧，先会导致身体嘅问题，所以依家我觉得系尽咗自己嘅能力就OK啦。”