黎彼得迟到自称“细佬”走咗　影后催黄日华做帛金竟摆乌龙

75岁的资深填词人兼演员黎彼得去年转型做YouTuber，主持《玖噏秘笈》节目不时大爆娱乐圈秘闻。昨日（12日）播出一集，黎彼得玩“揞名爆”，透露约十年前为HKTV拍剧，因为自己开玩笑指“我细佬过咗身”，令一位前辈级影后信以为真，在片场找来黄日华帮忙一齐做帛金，更令同场的关宝慧笑到趴地。

黎彼得表示曾有朋友提议他不要公开这件趣事，“因为佢觉得对于故事主人翁有不敬，何况她是老人家、前辈。但因为我做节目，会唔开名，唔开名就冇事，大家唔知边个，你估到就你聪明啦！”但根据黎彼德透露的蛛丝马迹，同剧演员黄日华、关宝慧和夏雨，估计当时是拍《岁月楼情》，而这位前辈级影后身份更呼之欲出，就是鲍起静。

黎彼得指有日他因为迟到，关宝慧上前八卦其迟到原因，黎彼得贯彻搞笑作风，戏称自己“不举”。他说：“今朝惨喇！今朝我开‘细佬’度门，但‘细佬’较两个闹钟都唔醒，起唔到身即系走咗啦，好可惜咁就行咗去，阴公。”聪明的关宝慧掩住半边嘴偷笑，而黄日华则全程处之泰然，显然明白黎彼得口中的“细佬”是指甚么，“听得明嘅人就知道，我讲嘅‘细佬’系生殖器官。”

黎彼得自认是“契弟”搞搞震，原来开玩笑时这位影后级前辈坐在梳化后听到，饭后向黄日华说：“你老友嚟㗎㖞，黎彼得‘细佬’走咗，快啲做帛金！”黎彼得形容当时关宝慧笑到趴地，而黄日华基于尊重前辈，没有拆穿真相，做戏亦有始有终：“黄日华话惊伤害影后，虽然影后错摸摆乌龙，以为我‘细佬’真系过咗身，咁就真系做帛金，后来将钱食咗佢算。呢位朋友非常之善良，而且系好好心嘅人，但呢餐俾呢个冤鬼（指自己）搞搞震，令佢错摸以为我‘细佬’过咗身，四围揾人做帛金，呢单嘢坚㗎！”

点击睇鲍姐年轻时模样：