叶念琛从不介意主动出击揾老板：谂到冇用，要将件事成真

《鳄鱼之吻》昨日在又一城举行记者会，出品人及编剧叶念琛虽然入行超过二十年，但昨日感到非常感动，他说：“我有啲梦想成真嘅感觉，睇到好感动，因为件事终于见到就快发生，倒数个公演日期啦。同埋因为最近呢排我都会陪住啲演员同导演排戏，咁慢慢去去感受个世界一路一路咁样去建立。”

叶念琛在台上表示很感谢老板小霖支持《鳄鱼之吻》，他当日主动找小霖投资舞台剧，结果对方亦欣赏这项目决定投资，叶念琛当导演主动出击很重要，他说：“ 我一定主动揾投资方，如果冇投资方，所有嘢都系好难成形，（可能有人觉得主动争取喺放低咗身份？） 其实冇关系，你对自己件事有信心，你更加应该周围去话俾人听啦，即系我不嬲主动开㗎嘛，即系我觉得，我永远都系𠮶句就系，我谂到样嘢，我净系谂系冇用嘅，我要将件事成真，好似今日，可能自己年纪大咗喇，同埋系有...好多嘢好emo”

电影、电视持续寒冬，但对叶念琛似乎没有影响，他觉得无论顺境或逆境，最重要是努力，他说：“永远所有嘢都系做好自己，或者做好自己个part。即系我咁多年，老实讲，叶念琛无论电影或者电视或者其他作品，其实你话叶念琛系咪一个好跟应个潮流发生而去做？其实一定唔系。即系唔系话𠮶排兴咩我就去拍咩。”

“我一直管好自己嘅创作，管好自己投资单位，你话个市场好定唔好，都唔代表你唔去努力，即系好嘅时候你要努力，唔好嘅时候更加要努力。同埋我觉得都系睇自己本身嘅实力。因为唔代表好景嘅时候一定有你份，一年开三十部、五十部戏嘅时候，你都唔一定有份㗎，如果你能力唔得，你都未必有份㗎，但你当你去到个市场可能再差啲，又唔代表你一定冇你份，你努力咪得啰，因为到最尾，我哋要计嘅都系计自己𠮶部之嘛。即系我系拍我自己𠮶部戏，我系拍我自己嘅作品。”