冯允谦与fans共乘的士唱歌倾心事　Jay：感恩能用音乐回应支持！

“唱作王子”冯允谦（Jay）早前推出英文新歌《Close to the Edge》，歌词第一句“Sitting in the back seat of a yellow taxi”引发灵感，举办“Sitting in the back seat of a taxi with Jay Fung”活动。透过抽签获得机会的三位幸运“追风”（Jay粉丝暱称），与Jay单独搭的士，沿途弹结他唱歌、聊天交流。事后Jay感动地说：“我觉得自己好幸运，我嘅歌可以鼓励别人，令佢哋开心或者启发。”

首位上车的“追风”表示正准备考飞机师牌，Jay大力支持，Jay说：“佢跟咗我好耐，我认得佢，成日嚟活动同演唱会。佢话要考机师，我希望佢成功，到时请我搭飞机，哈哈，讲笑！佢仲提议我同fans喺飞机舱搞聚会唱歌，呢个主意超正，我好想喺私人飞机唱歌，希望公司帮忙安排！”

第二位“追风”非常热爱Jay歌曲《Keep On Fight On》，甚至将歌词其中一句纹身于手臂。Jay分享：“我喺TG群见过佢张相，今日佢亲自show畀我睇。佢讲呢首歌助佢挨过低潮，特别拣咗歌词做纪念。能够写出有力量嘅歌，真系令我好surprise，我好感恩可以用音乐回应佢哋的支持。”

第三位粉丝是一名学生，Jay说：“佢同我讲好多低潮经历同心情，话我啲歌帮佢渡过艰难时刻。我哋喺的士里即兴哼咗段旋律，成为我哋嘅回忆同纪念。多谢佢哋让我知道，用音乐扶持人真系好难得，做音乐嘅动力就系想触动人心，畀到力量。”Jay亦透露想与追风一齐合力创作歌曲：“我好钟意写歌，但又唔想逼大家，创作需要时间，唔知道大家有冇兴趣？”

Jay经常乘搭的士，有时会遇到司机播放他的歌曲。他笑说：“我通常会戴住口罩，但司机认得我，仲会特登播我啲歌。我就赞佢话：‘好听，有品味㖞！’”整个活动让Jay与追风近距离接触，而且选在当日拍摄MV的街道，别具意义。