宣萱疑不满张可颐拍剧迟到　引世纪骂战惹热话：当年大家比较细个

宣萱早前成为林家谦演唱会尾场嘉宾成为焦点，被网民重提她曾向传媒指《难兄难弟》迟咗煞科，全因为张可颐成日迟到搞到拍摄进度受阻，张可颐之后反击话系因为宣萱成日大笑而不停NG。期后二人更演变成世纪骂战，一触即发。旧事再次重新出土，引发外界关注。

宣萱今日（27/9）现身荃湾出席无线新剧《巨搭之后》宣传造势活动。对于不和事件被重提，引起网上热议，宣萱在接受《香港01》访问时表示：“其实唔使提啦 ，旧闻到冇得到旧闻，讲真件事已经系97年嘅事嚟。”

对于张可颐当年反击她大笑频频NG。宣萱表示：“其实都唔使讲咁多，一直我都几熟读剧本，我系出名少NG，但咁唔会冇NG，都系偏少𠮶啲，咁如果话我系嘅，咁系有NG啰。（佢都有NG啦！）咁都有，不过讲真都好小事。记得当年大家都比较细个，好多嘢都未睇得通，同埋当年传媒系想多一啲嘅新闻，咁将件事搞大啲。（而家都冇变过？）哈哈，但我变咗，咁所以唔需要理太多嘢啰。”