MOISELLE太子爷陈柏熹（Harris）素来活跃于香港时装界，除了出席时装活动之外，亦与不少明星关系谂熟。不过近年陈柏熹绝迹于时装界，传闻他整容失败，又有指他因生意而避走，又有传他因车祸而毁容。

坐高铁被“车”撞

陈柏熹忆述，2023年8月底他在深圳乘搭高铁，落车时被一架“电瓶车”撞倒：“一开门冇睇，一开门，俾架电瓶车成架车撞到，咁我个头，𠮶时我落紧车，我都唔记得咗，一两只脚挞落个地，成个人连埋个车门撞返转头。好大力咁撞到个头，其实𠮶时冇乜表面伤痕，好瘀好肿好痛，感觉好乱，𠮶吓仲谂住赶埋高铁车。”他形容当时感觉就是很大力地撞到玻璃门，中间经历消肿又出现瘀伤，但去到圣诞节的时候，瘀伤散了，但就开始出现问题：“个鼻又歪，左边脸颧骨冇咗，𠮶时先开始揾医生。”

揾医生揾足半年

现时，陈柏熹的靓仔样虽与昔日稍有不同，但令人庆幸的是，他的鼻子已重建成功，他亦重新投入到新生活。阔别三年，今日（10月4日）他更大搞生日会，并邀请陈钦杰、徐巧娇、陈蕾安、何嘉莉等好友欢聚。陈柏熹接受《香港01》访问时，以过来人身份说：“哈，OK啦，讲返转头好啲嘅。过晒，讲返转头，感觉好啲。一路行一路都迷惘，见咗好多个医生，𠮶个又话神医，呢个又话好劲，所以揾医生，揾团队都揾咗半年。”对于治疗过程，他有感觉得自己算是幸运的。

Angelababy经理人孖陈柏熹开二手时装店　分分钟买到明星衫？

被妈妈勒令停工医治

陈柏熹表示，去年年初曾出席一个时装活动：“𠮶时系消咗肿，脸又冇咗，鼻又冇咗，因为消咗肿，真系睇到个形象，但系应承咗出嚟就去。去埋𠮶次之后，就决定专心去揾医生，阿妈都勒令我停工，停晒所有嘢。佢话：‘你而家要搞嘅系你个人，而家要停工。’”

漫长创伤矫形之路

重建之路并不似女星去隆鼻、削骨一般，而是更复杂。皆因陈柏熹不是揾医学美容，而是“严重创伤矫形科”。“牵涉鼻、颧骨、耳仔。”他坦言，寻找适合的医生的过程漫长，除了要揾有经验的，还要找到可以沟通到的：“时间上，我要6月底自定到医生团队，周围都有睇，国内、香港、韩国、新加坡、台湾都睇晒。”

他续说：“揾咗几多个？我做咗几次，有一个主医，两个副医，一个麻醉，四人团队，每一次都有机会做唔同部位去换，但系主诊都系同一个，半年内起码见咗10个主诊医生。”所幸，由意外至今经历了超过两年后，他终于从严重意外中康复。

意外后人生观改变

陈柏熹说：“有咩得着？我之前好钟意做嘢，好钟意迈向目标嘅感觉，有啲执着，但系而家觉得唔重要嘅，咁咪唔好知啰，逼唔到，创造唔到⋯⋯有啲嘢系能力上面唔系逼到，就倒不如等待安排。个人唔系话完全唔做，我个人仲好有激情，而系学识享受呢个等待嘅激情。我唔知点讲。”他自言，经过这次意外后，生活上除了激情之外，也多了随遇而安，接受现实的另一种生活方式。