TVB恋爱真人骚《女神配对计划》早前圆满结束，节目成功为三对人气CP配对成功，包括有叶蒨文Sophie及曾展望GM；罗毓仪Yuki及林俊其Kris；梁敏巧Maggie及刘启进。不过有指罗毓仪执陈滢二摊才成为五大女神之一。

罗毓仪今日（3/10）现身旺角出席美容院新店开幕，就事件接受《香港01》访问时表示：“其实𠮶阵时十划未有一撇，都未完全落实系陈滢，就算连个节目名同形式都未决定，而我最近见返陈滢佢竟然唔记得咗呢件事。”

对于被指执二摊，罗毓仪表示：“反而我唔系执佢二摊，我系执戴祖仪二摊，因为印象中佢系出咗海报，而我系小红书度见到。𠮶阵时见到，我系觉得好可惜点解唔系我，我冇得揾另一半。但转头就揾我，可能当时戴祖仪系撞咗其他嘅工作。”