著名时装品牌MOISELLE创作总监陈柏熹（Harris），今日（4日）在中环举行生日派对，邀请了不少圈中好友出席，包括关之琳、何嘉莉等。今次是陈柏熹自在深圳遇车祸导致毁容，接受了多次矫正手术后首度会见传媒，他坦承心情很紧张，还透露花费200-300万港元做重整手术。

久违现身公开见传媒的陈柏熹，在受访时坦言心情紧张：“紧张，好惊，（有咩心理准备？）冇呀！咁多路都行咗啰，行埋佢。（生日有咩愿望？）简简单单，健健康康，舒舒服服。”

2023年陈柏熹在深圳乘搭高铁，落车时遭“电瓶车”撞倒而发生意外，导致其鼻子撞歪，左边脸颧骨严重受伤等，脸部严重毁容，后多次进行矫正手术，其脸部亦已成功重建。被问到当时有否与对方（电瓶车车主）进行谈判时，他就表示：“当时有即刻报警 ，（对方有冇赔偿？）大家有大家责任，后尾警方都定大家有大家责任， 可能对大家公平啲，（双方有签下和解？）有嘅，咁先可以报到保险。”

陈柏熹坦承除了鼻被撞歪、耳朵撞到分开等外，其肋骨亦严重受伤，问到在整个治疗过程中花费多少时，他就表示：“大约200万-300万港元，包括所有嘅住院费。（受伤之后嘅过程中有冇谂过轻生？）我又冇谂过轻生，但系我好急躁，我想要，我好想如常咁出嚟食饭，我好想好自在，我好想冇顾虑。（父母咪好担心？）我谂佢哋都担心但又要好正面，因为佢哋知道我好敏感，一小小嘢就点解会咁嘅？”他透露现时的康复情况基本上都稳健：“医生都话冇乜得点再有空间做，因为都做咗好多嘢。在于外观上，人始终都会老嘅，就当自己早啲老咗佢。”

续问会否因该事件，导致现时坐车落车会否有阴影时，他就直言：“我见到电瓶车，我特别会出汗。（会手震脚震？）会呀，会激动。（在受伤呢段过程中，有冇咩朋友特别陪伴安慰，令你印象深刻？）有，（何）超盈、罗君怡等，出面会估系咪整容失败或者撞车？咁佢哋都会嬲去平反。（过程中有冇睇过心理医生？）冇，我唔想再出街见人，所以就冇睇到医生。”虽然陈柏熹样貌重建后大致康复，但亦表示现在还不能张大口。