吴浩康（Deep）昨日（4日）带同老婆郭思琳一起出席MMA综合格斗盛会活动，在接受传媒访问时，他们同时表明很喜欢看MMA，吴浩康表示：“我哋都有呢个共同嗜好，喺食饭嘅时候有阵时会播嚟睇吓。（有冇话睇拳赛因支持嘅对手唔同闹交？）冇闹交，喺我同我老婆嘅世界里面，只有我俾人闹，佢人品唔会咁嘅，佢唔会闹人嘅。”

提到最近担任TVB歌唱比赛《声秀》导师，其中一集组员林锦兴遭到淘汰后，在网上留言声称被吴浩康在节目中当众侮辱，事件传出后引来许多网民抨击，被问到心情会否受到影响时，吴浩康就表明：“冇在意过，我有去睇到件事，放心冇影响到。因为呢啲事成日都发生，好多呢啲人，咁多年都惯。”其实事后TVB就公开当日完整片段还原真相，以正视听，为吴浩康平反，继而舆论风向大逆转。

另外，提到近日被网民半夜电话滋扰想学唱歌一事，问到现在还有没有类似事件发生时，吴浩康就表示：“其实我公开自己个报名电话10几年，呢单都系第一单。大部份打电话嚟查询嘅都系真心想知道歌唱班嘅资料，但真系得一个系咁。”他又续言：“因为自从呢件事发生咗之后，我真系多咗好多学生，多谢。”而他事后回复该网民时，展现高EQ回应，获不少网民激赞。