93年17岁参选港姐入行，曾是一代性感女神的麦家琪，于06年下嫁大律师王国豪后淡出娱圈。育有两子一女的麦家琪，为事隔17年复出客串的港剧《我爱九龙城》接受雷霆881商业一台《星光背后》专访。节目中，率直的麦家琪无所不谈，谈半百保养得宜，她直认靠医美，“好似修一修咁，箍牙都系一样！”谈及多年没拍剧，她坦言：“只系无人揾，啲人以为我嫁咗唔忧。”以为她会避谈当年选美决赛被爆裸照大热倒灶，她说，“啲相我仲keep喺度，全部都俾晒仔女睇！”原来，她希望以过来人身份，教育三子女别行错自己的旧路，学懂如何保护自己。

麦家琪当年是新法书院校花，她坦承年轻任性，谈及她中学未毕业便选港姐，她说：“真系focus唔到读书，唔想考试，无谂名利，只想快啲离开呢个学校束缚。”93年参选期间，麦家琪一直是热门之一，最终决赛五强不入，翌日就有周刊爆她15岁时被前男友诱骗拍下的裸照。对于当年事件轰动全城，她认同落选与事件有关，并说：“呢个经历到而家都影响我，所以我好保护我啲小朋友，我同佢哋讲晒成件事，啲相我仲keep喺度，全部都畀晒仔女睇！等佢哋知有可能发生呢啲事，就系因为我曾经任性。所以你哋点玩都得，但有啲嘢我试过，会对日后有影响，你哋要学识保护自己。”

当时还未到18岁，麦家琪称不懂如何面对，幸得父母体谅保护，亦获TVB给予机会签约安排演出处境剧洗底挨过低谷。忆及当时背负新闻入行，她指没想过逃避：“我必需面对，因为系自己犯嘅错！其实我都系畀人揾笨，但无影响其他人，只系我年幼无知畀人呃。点解继续留低？我咁想离开读书呢个束缚，我可以去边？系我自己放弃学业，唔通我要求出国读书？屋企唔富裕，有三兄弟姊妹，哥哥啱啱去咗加拿大读书，如果我再要求，爸爸妈妈会好辛苦。”

麦家琪一入行便影视两忙，原来她至参选翌年才获TVB签下为期两年的包薪经理人约，至于为何96年便决心离巢，她说：“96年后要我签返普通艺员约，人工少咗三分之二，我就话唔签。我就系唔忍得，如果我忍到六、七千蚊一个月，我可能忍到而家都留喺TVB，做埋甘草演员。”

之后只身勇闯影圈，麦家琪指已故的李兆基是其恩人，给与她不少电影机会，当中包括话题作，麦家琪剃光头主演的《龙虎砵兰街》。问为何多年来不找经理人合作，麦家琪大爆鲜为人知的际遇，“有offer，但全部都要我脱，譬如要我拍三部脱戏就签你，话会打成你好似边个边个咁，但我唔系想要呢啲，我唔想麦家琪打败麦家琪！我咁辛苦入电视台几年，就系想大家知，当时嘅新闻唔系我策划，我真系畀人陷害，事隔三年仲要我食住条水去拍𠮶啲戏，我咪变咗大家谂𠮶啲人？做人要有价值，剃光头有发挥就有价值。96年我仲算新人，嚿钱有几多？压得就压啦！仲畀我93年出嚟撩我拍三级片仲少一半。”原来早于93年选完港姐后，已有片商高价利诱麦家琪拍三级片，但她不为所动，“当年已经有人叫我唔好签TVB出嚟拍戏，𠮶时风月片咁hit，系畀成过百万，我系不为所动，因为件事唔系我想咁发生！”至于从未全裸或 露点拍戏就被外间标签成三级片女星，她淡淡的说：“唔无奈！边个叫我细个任性呢？”

重温麦家琪被剃光头一幕