女团Lolly Talk日前惊传财困，报道指她们的“金主”决定“闩水喉”，成员除了半年无粮出之外，更被通知每人倒欠公司20万元，虽然八位成员出post派定心丸，预告月底仍会有团队活动，但其实就连经理人都亲口承认Lolly Talk半年无粮出一事。与此同时，ERROR成员郭嘉骏（193）因为送月饼畀Lolly Talk，竟再引发另一争议，他暗指过程中Lolly Talk女经理人讲大话引发罗生门，认为事件荒谬，更谓：“呢个世界真系有咁多黐线嘅人……”

事缘193的自家品牌，最近与月饼合作出月饼，并送出部分产品作PR礼物，其中一份就寄到Lolly Talk的公司地址。193在帖文中透露，速递员送货去Lolly Talk公司地址，但两次都冇人收件，最终月饼遭退回193处，不过193却表示收到消息是有人从中作梗：“佢哋一位女性经理人同佢旗下嘅成员讲，话打咗电话去问，确认咗我哋系因为佢哋嘅负面新闻而收返啲月饼。”

好心送月饼竟被屈，这个“黑镬”令193不满，吞不下死猫的他发文质疑：“究竟佢系咪打俾边个问呢？佢冇问过我，亦都冇问过我同事，唔通系速递员答佢？？？咁我系唔系应该投诉间速递公司？”他坦言对事件摸不著头脑，又谓：“呢个世界真系有咁多黐线嘅人，定系有人习惯性讲大话，抑或呢个世界真系好多误会呢？想大家帮我研究吓，究竟系𠮶位女经理人讲大话，定系速递员讲大话？”193更开放了投票让网民投选究竟是女经理人、速递员抑或193讲大话。

网民都将矛头指向Lolly Talk经理人，问：“公司做咩唔帮女团收嘢仲要呃女团？”不过在追究事件的同时，有网民亦翻出193合作的月饼品牌，在2020年曾出现寄货延误的“黑历史”。对此，193亦大方承认，并解释：“当时系因为某间物流公司冷藏件嘅原因，所以啲货延迟咗，佢哋自己亦都蚀咗钱。我都明白佢哋当时冇即时处理晒所有问题嘅做法系非常唔恰当，所以今年转咗物流公司希望可以解决到呢啲问题。”未知是否因为令合作品牌被翻旧账，193其后将整个帖文删去。