《家传之“保”》，昨（5日）晚翡翠台首播，而为观众打响头炮的、是到鱼档体验黄爸爸昔日打工点滴的黄翠如，以及友情客串兼外父上身的萧正楠。值得留意的是，翠如开工期间，笑言因记得爸爸说过卖鱼要穿牛仔裤、所以她就找来家中唯一一条可以穿得下的牛仔裤来开工，言谈间透露了生B后仍未收身成功、相当大方。

出名是廿四孝老公的阿萧，在节目中受外父委托“黄爸爸上身”与翠如大玩“传承度测试”快问快答、朗读家书及向爱女送上珍贵照片。在考验翠如与黄爸爸心灵相通程度的“传承度测试”快问快答中，翠如再度使出“送惊喜”能力，竟然十条问题全数答错！在回答“一日要瞓几多个钟头先够”时，翠如气定神闲指是八小时，可惜阿萧却完全不认同，甚至摆出质疑态度、相当搞笑。

在翠如眼中甚么事都是“靠对手努力打拼”的黄爸爸，对待家人也是尽心尽力、除make sure对待五个女儿绝不偏心，亦会以充满爱的方式勉励女儿。原来每当翠如感到失意或陷于低潮时，她都会找爸爸倾诉，而黄爸爸则会写“家书”回应翠如。不过这次的家书、不但是黄爸爸做主动托阿萧送给女儿，内容更相当暖心真挚，难怪翠如笑言：“今次终于唔系讲伤心事喇。”

食冰淇淋合照背后意义劲Sweet

黄爸爸一来便向翠如这位“天使卖鱼小妹妹”送上暖心又亲切的慰问、字里行间全是爱：“你今日要去街市体验卖鱼生活，辛唔辛苦、有冇受伤呀？…其实街市卖鱼系最辛苦行业之一，点解明知辛苦都要坚持去做？就系因为爸爸冇其他工作经验、只要能够畀到你哋过啲比较安稳嘅生活，再辛苦爸爸都可以顶落去…”黄爸爸在家书中还提及了翠如小时候到鱼档帮手的往事，并大赞翠如五姊妹都很生性。

黄翠如自爆升呢妈咪后获黄爸爸差别待遇

黄翠如爸爸还额外托阿萧送上一张与翠如食冰淇淋的合照，原来当年黄爸爸身体健康出过状况，这张合照是纪念翠如为庆祝黄爸爸康复、请食冰淇淋的开心时刻，相当有纪念价值、亦展现了二人超亲密关系。黄翠如：“𠮶时屋企轮住经历低潮时，好担心佢唔好，跟住去睇医生，跟住ok㖞，跟住我就请佢去食冰淇淋，呢张相我好钟意，爸爸以前好靓仔架。” 玩完感性，黄翠如又回归搞笑路线，她笑言自从有了孙仔“萧哈哈”后，黄爸爸由以前的“慈爱型爸爸”变成现在的“鞭策型爸爸”，翠如笑言：“以前我话好辛苦，爸爸话会辛苦就唔好做喇，但依家佢会话：‘啱架，赚多啲钱畀你个仔吖嘛。’”

不过黄爸爸咁感性、封家书又点会得咁少内容，其实黄爸爸喺家书入面仲有提到“翠如”名字嘅由来，以及翠如当初拿到奖学金去英国时、自己的复杂心情，以及如何为女儿由“天使卖鱼小妹妹”慢慢一步一步迈向父母之路感到欣慰。而翠如听著老公阿萧温柔地读出爸爸的家书时，除一再落下感动的眼泪、还不时傻傻的隔空与“家书”对话、画面相当有爱。想亲耳听到阿萧情深tone演绎黄爸爸家书足本？密切留意无线官方社交平台推出的完整版本。

翠如爸爸家书全文：

“囡囡，你今日要去街市体验卖鱼生活，其实爸爸就好担心，辛唔辛苦（翠如：辛苦）、有冇受伤呀（翠如：冇）？有冇卖到爸爸以前经常带返屋企、你最钟意你最喜爱食嘅大眼鸡鱼同埋白鲳鱼呀？（翠如：依家都钟意）”

“其实一日喺鱼档嘅时间真系好长好长架，当初爸爸入行，其实经常都受到刀伤，有啲冻伤啦、劳损啦，其实街市卖鱼系最辛苦嘅行业之一。咁点解明知道辛苦都要坚持去做呢？就系因为爸爸冇其他工作经验，只要能够畀到你哋姊妹过啲比较安稳嘅生活，再辛苦，爸爸都可以顶落去。（翠如：我知）”

“囡囡，好多谢你呀，以前爸爸一年可能都冇好多时间可以陪喺你身边啦，但系你自细都十分懂事，你哋姊妹会互相照顾，仲会帮妈咪手做家务，勤力读书，五个女都可以考到大学，呢个系爸爸觉得最骄傲、最自豪嘅一件事。（翠如：我都知架喇，我老豆一生嘅愿望就系我哋读大学就够喇）所以佢话任何嘅辛苦都系值得嘅。”

“翠如，点解会改呢个名呢？我改呢个名嘅寓意就系碧翠如茵，就系希望你能够生活喺大自然嘅韵律当中，自由自在，心旷神怡。（翠如系咁笑）”

“仲记得你中六嘅时候攞到奖学金去英国，第一次飞咁远嘅地方，做爸爸嘅好担心，但更多嘅系开心。因为见到自己个女长大咗，之后你仲实现咗自己嘅梦想，可以喺香港飞到去世界各地，主播、主持、演员，亦都由一个女儿变咗做一个母亲嘅。（翠如又咁系笑）”

“囡囡，你仲记唔记得你读小四嘅𠮶年暑假，你想知道卖鱼几辛苦，所以跟咗爸爸去档口学习，你请求爸爸，爸爸其实又惊又喜嘅，见到你信心满满就帮你著上咗个水鞋、胶手套、围裙，天使卖鱼小妹妹就出现喺你爸爸嘅档口度。你好叻呀，除咗负责将啲鱼入袋、（翠如：玩咗一阵咋，主要系为咗𠮶啲散银）仲刮鱼麟，佢话你系好认真嘅，所以爸爸𠮶日都㓥咗两条你最钟意食嘅大眼鸡、畀你带返屋企作为奖励。”

“你嘅宝贝孩儿，我嘅爱孙，好感恩佢嚟到我哋嘅家庭，带畀我哋好多嘅喜悦，爸爸相信你一定会用心去爱护呢个儿子，用心去培养佢，令到佢健康快乐咁去成长。由爸妈到你俩，希望孙仔可以承传到公公同埋妈妈嘅坚毅、积极，同时可以保持乐观、开心，佢祝愿你哋健健康康、快快乐乐。爸爸字”