前J2小花遇极品老细 月入5万狂呻被疯狂PUA:佢想揸干我!
【麦惠琪/Susuca/职场/极品老细】前无线J2小花麦惠琪(Susuca)入行前曾任职空姐,其后曾短暂主持过《不正常爱情研究所》,凭外表也收获了不少粉丝。近年她转职担任家族办公室的私人助理,月入近5万一个月,发展似乎不错,但原来也是“你睇我好,我睇你好。”
辞职要老细批准?
日前(06/10)她在threads大呻老板的不是,透露自己因为健康问题而打算辞职。不过,老板似乎就“不舍得”她离开,表示“我都未炒你”,又无视她的辞职要求,还说:“我觉得你做得未够好,你可以选择离开,但系我花咗咁多心机时间嚟栽培你。我希望你真系可以成为一个最强嘅人先离开。”令人心里浮出十万个为什么。
患甲亢入院都要闹
麦惠琪(Susuca)接受《香港01》访问,她表示因为工作太大压力,令自己患上甲状腺功能亢进,病发时会心跳过快、手颤,导致失眠,严重时还会呼吸困难,需要长期食药。“最近身体又唔好长期都睇紧医生,咁我自己都觉得自己有做得唔好嘅地方,咁啱老板就话最近好似跟啲嘢跟得唔好,咁我就讲话我上个礼拜紧急入咗医院留院,佢就话我唔想听到有任何解释,你呢啲全部都系借口。”
06至26 OnCall惨过马国明
她自知身体出现问题,认为未能胜任工作,所以才提出辞职,但就不被接纳。“我就同佢讲话我明白嘅系我嘅错,唔好意思咁我唔做啦,我想辞职休息一下。然后佢当听唔到,扮听唔到。佢本身第一日系闹我,跟住直至我话辞职之后,佢就冇再闹我,但系因为我份工系要睇好多有时差嘅地方,佢系将佢电话直接飞晒落我度。可能我凌晨3点,朝头早6点9点,已经要开始要听新西兰电话或者其他地方嘅电话。”
疯狂PUA情绪勒索
提出辞职后被针对,相信打工仔们都遇过,但原来精彩的事在后头。老板见阴招没效,就用PUA(情绪勒索)。“第二日又再讲辞职啦,佢同我讲佢都未炒我。佢话打工唔系为咗钱㗎,佢想令我进步呀,有时俾人闹其实系进步嘅空间㖞。前一晚做到凌晨点几钟先返公司,第二日要继续加班之后佢又继续叫我交report,我真系顶佢唔顺。”正当Susuca想直接表示辞职时,这位老板又加码:“佢话,佢系为咗锻炼我成为最强嘅人,佢叫我谂清楚,佢话俾我走都得,但系佢希望我成为咗最强嘅人锻炼好我之后我先离开。”
247乜都要做包埋俾老板娘闹
俗语有云:“食得咸鱼,抵得渴”,月薪5万已经比香港入息中位数高上一倍。不过,除了公事以外,这个“私人助理”原来还需要处理“老细的私人事”。“呢份工应该都做咗两年半三年左右,我系主要做personal assistant对接CEO/founder,即系直接做老板嘅助理,其实都系打杂,公司嘢要跟私人嘢要跟所有嘢都要跟。247㗎,同埋咩都做啰,可能系讲紧有时可能仲要比佢太太闹吓,凑吓佢啲小朋友呀,处理吓佢啲朋友嘅女朋友,好多打杂同埋下栏嘢。”
“我觉得佢似想揸干我呀!”
她续说:“公事上面其实大部份我都觉得OK可以接受,但系处理𠮶啲私事好麻烦,可能真系好多唔可以话畀人听嘅嘢,我哋都要去帮佢执手尾。今年年中确诊咗甲亢,我会成日因为心跳加速唞唔到气或者啲药嘅问题令到我会出现好多唔同情况,有时会因为身体唔舒服就俾人送咗入医院。我入医院𠮶几日佢知㗎,因为我有晒医生纸㗎嘛。𠮶日佢系同我讲话叫我好好休养㗎,点知隔咗两三日之后佢就闹我啦。我觉得佢似想揸干我呀,因为其实根本就冇乜进步,我每一日做紧嘅嘢其实就系帮佢做佢应该要做嘅嘢。”
5万蚊“卖身”?
首先,辞职留任与否应是为人打工仔可以决定的事,而非老细单方面决定,否认,签下的就不单是雇佣合约,而是一纸“卖身契”做奴隶。其次,如果工作内容超出下属所能应付的,就应体谅,减少工作量或干脆聘请多一个人分担工作。其三,虽名义上是私人助理,但处理公事加私人事以外,还要承受不必要的责骂及凑仔和“照顾”朋友的女朋友,就太夸张了。又难怪这位老板会极力挽留这位“好使好用”的私人助理。