炎明熹自2024年4月底因续约问题，被无线雪藏超过一年，工作几乎停摆。在被雪藏期间，乐小姐（乐易玲）向外发表 “忘本论”暗指有人忘恩负义 ，激起广泛讨论。直至2025年9月底，随著她与TVB的合约正式到期，无线在官方艺人资料库中已删除她的档案，宣布她正式离巢，双方合作画上句号。早前炎明熹出席歌舞剧记者会，正式向外宣布自组公司“然后”，重新出发再战乐坛。

陈百祥今日（8/10）出席活动接受《香港01》访问时，表示：“我觉得佢开公司冇问题，同埋冇封杀呢样嘢，成个中国嘅市场，你会睇到就好似邓紫棋咁，人哋都唔返嚟唱，人哋十几亿身家，喺国内唱，我谂炎明熹系行呢条路，梗系望一个十四亿嘅市场，点会望你香港几百万人嘅市场啫，佢唱得㗎。”

陈百祥续说：“冇得封杀㖞，合同完就完㖞，而家冇人要靠TVB，边有人仲要靠TVB。我哋踢一场波点击率十亿百亿，TVB最多人睇，都系讲紧十点三十几点，都系讲紧百万几人，都唔够百分之一，系万分之一都冇，同埋人哋做紧直播系百万数字收入，你都唔系𠮶样嘢嚟，成个世界转变紧啦，”

对于炎明熹被人闹反骨，陈百祥表示：“点会有得闹啫，我都唔明，个个都捧出嚟，唔通就要同你做一世呀，系唔会嘛。刘德华够雪咗5年，咁佢有冇返TVB，TVB呓佢返去佢都唔去，而家冇呢样嘢嘛。同埋电视系黄昏嘅事业嚟，只会再蚀钱。”

提到曾志伟在接受内地传媒访问时表示，TVB在他任职前曾亏损，但“今年（2025年）是赚钱的”。陈百祥强调要睇业绩：“唔好听人讲啦，睇业绩啦，唔好玩啦。做生意就做生意，做艺人就做艺人，要分得清楚。做生意边个够我熟。”