黄夏蕙将于11月11日踏入95岁大寿，今日（11/10）于尖沙咀大排筵席摆近500人寿宴！夏蕙姨穿上醒目喜庆的连身长裙，精神非常之好！早前有报道指夏蕙姨需要居住过渡性房屋，又指她有财困，不过今日她接受访问时就澄清没有此事，更大爆自己将取回多年以来应得的，胡百全死后给她的一大笔财产！

夏蕙姨解释事件始末：“我系佢（胡百全）第二个，同佢生咗6个。佢嘅大女好恶嘅，大过我。唔知道我老公死咗有遗产，同埋基金系有嘅，不过佢唔开遗嘱，咁咪呃咗我12年啰。基金我又冇去攞，因为佢𠮶时成日话我去争遗产。咁而家好彩我去咗法援，法援查到有呢件事，亦知道基金由阿爷畀后人。”

夏蕙姨表示，当年因为不知道基金会每个月派息给予后人，所以自己在过去12年来一直没有办理文件取用资金。幸好三个月前去了法援，有关人员帮她查询后，发现她在过去12年，每个月从基金会可领取约20万利息，《香港01》记者问道，即是要打官司才可取回？夏蕙姨坦言：“咁又唔会好多，因为而家唔使打官司，而系攞，因为已经知道有呢件事。基金系咁样，我哋而家系食佢啲息，每一个月前前后后都有廿万，尤其是而家，佢有遗产每个月畀我3万，我都冇攞到。（点解唔攞？）因为我唔知。”夏蕙姨也表示，由于前夫家庭的儿女是做律师的关系，自己一直都不知道有此事，但现时他们也经已去世，所以也无从追究：“冇人话畀我听遗嘱冚咗，应该系犯法嘅，你知唔知？但系而家（佢哋）都死埋。”粗略估计，12年下来即逾三千万，相当惊人！

夏蕙姨表示，95岁寿宴后就会着手去办理手续。值得庆幸的是，事件只是相隔12年，她坦言，法援提醒她要尽快办理有关手续，因为自前夫去世后21年后就不能办理：“我梗系快啲搞啦，因为搞咗之后有钱嘛。”

黄夏蕙也表示，本来成立慈善基金是打算建立安老院，但现时已有这一笔遗产，所以已不需要继续筹钱：“我揾咗（地皮），老人院隔篱有间佛寺，喺新界𠮶度。”她也表示地皮属于当地居民，只需要“畀钱”就可以着手起安老院，而安老院会改名叫“夏蕙慈善之家”。至于被问到会不会搬入去住，当度假屋时，她就回答：“唔出奇㗎！𠮶度好靓嘅。”

有记者问起她现时的居所，她直言：“咪住喺旧时𠮶度，我冇搬到㗎。（有报道写你住过渡屋）梗系唔系啦。法援问我有冇申请平安屋，我梗系有啦，不过十几年都未畀我！而家都未畀。后尾教会有临时屋，因为我老公四层楼，地下畀我，畀我老公返嚟住，因为佢唔行得，所以教会就畀一间临时嘅，咁我就租咗间临时嘅畀佢。咁佢冇住到，因为畀得嚟佢都返咗美国，而家都退咗啦，佢都唔谂住返嚟住。”

早前有报道指黄夏蕙需要靠“生果金”过活，对此她回应：“梗系唔系啦，点会生果金度日，生果金不嬲都唔派畀我，平民屋都冇得住。而家𠮶度二万几蚊月租，新田住咗8年啦。四层两个车位，车位摆三架车。我自从潘生咁叻揸车之后，我就唔揸，成日俾佢闹嘅，我睇唔到地方，你叫我畀揼油，我点揼呀，好惊㗎嘛。”她也表示，之后不会回美国居住：“香港系属于我，我系最钟意香港。我啲人情都喺香港，边度都唔会去。”