罗兰和胡枫（修哥）今日（11/10）现身邮轮码头出席剪彩仪式。对于早前在家意外跌倒受伤入院，罗兰姐接受访问时表示伤势没有大碍：“因为𠮶日朝早7点钟，我听到电话响就发晒矛，走出去听电话𠮶阵时，就成个人趴咗喺地下。好彩当时只系撞到啲骨，伤势就冇咩大碍，而家我右手手臂系仲有啲痛。”

罗兰经过医生检查证实并无骨折：“医生话我年纪大，康复时间系要长啲。（发生意外时有人在场？）当时姐姐（工人）喺度，佢扶咗我起身，我就叫佢帮我报警，救护车好快就到咗，然后就送咗我去医院检查。而家行路就冇乜大问题，自己要小心。”

修哥被问到有否和孙子耍乐？修哥笑言：“其实一个月起码我有28日都系应酬、我系日日都有应酬，所以佢哋好少返嚟同我食饭，我一冇应酬佢哋就即刻返嚟。（中秋点过？）成家人一齐过，好热闹系好开心。不过热闹之中就缺少一样嘢。” 修哥应该是指在2016年离世的太太吕咏荷，中秋佳节未能团圆，现场有传媒问修哥缺少甚么？修哥即时黑面说：“缺少啲乜仲问。”另一传媒即时澄清不是她提问，涉事传媒表现尴尬即时耍冧，修哥表示：“讲对唔住。”对方连声道歉，修哥亦收货。现场有人笑言要收做契女，成功化解尴尬场面。