圈中“金童玉女”，音乐才子徐浩和靓女歌手曾乐彤今日（10月12日）于尖沙咀5星级酒店大搞婚宴。婚宴实在是星光熠熠，有蔡卓妍帮手搞party外，还有伴娘戴祖仪、柯驿谊（盘菜莹子）、关智斌﹑陈柏宇、吴千语、Gin Lee、MIRROR 9子和花姐、张继聪和谢安琪、周柏豪、沈震轩和女友陈欣妍、关心妍和老公、泳儿、陈蕾﹑卫诗雅和老公等。

一对新人接受访问时，徐浩坦言：“我喊得多过佢。今朝接新娘会讲一段爱的宣言，跟住我喊到要停，趴埋喺个柜度，跟住先讲完，同埋都系喊住咁讲。你听到几多成呢？”曾乐彤笑言：“我听到嘅，但系你再睇返条片，如果唔系我嘅话，应该完全听唔明讲咩，即系好似讲外星文咁。”徐生徐太果然非常有默契。

曾乐彤也表示，平日与老公徐浩各自因工作关系而少见面，所以都会非常珍惜相处的时光。“可能佢做完嘢返嚟已经凌晨，第二朝我又出去，所以相处时间好珍贵。有时返嚟屋企时候，我会帮佢准备好清洁用品，例如毛巾。我又好唔钟意抌垃圾，唔使我讲，佢又会帮我做晒呢啲我唔钟意做嘅嘢，所以喺爱的宣言入面都会提到呢啲小细节。”

讲到“玩新郎”环节中有一个揾出新娘“眼耳口鼻”的拼图游戏。曾乐彤大赞徐浩极速揾到，徐浩就讲出肺腑之言：“我系一望就望到。一个人双眼咁靓，系好易认㗎！（最靓五官砌埋就系？）系呀、系呀！”曾乐彤又说：“我谂我砌返你都好快，我未见过啲咁完美嘅男人。”

问到何时会制造“爱情结晶品”？曾乐彤表示：“个结晶品就系我哋嘅作品。”徐浩则说：“好闷呀呢个答案，你睇佢哋静晒。”有记者问：“会唔会有啲郁得嘅？”徐浩直言：“我觉得BB唔系话你想要就一定有，系上天赐嘅礼物，真系到嘅时候就欣然去有结晶品。”记者又说：“都要不设防。”徐浩回答：“有时设防都会嘅。”曾乐彤笑言：“呢个系常识题嚟㗎㖞。”又问：“会唔会有计划地进行？”曾乐彤回答：“就系有计划地唔进行。”记者：“今晚安静咁过？”曾乐彤再补充：“应该点样讲？”徐浩：“即系设防地忙碌。”曾乐彤坦言：“好赤裸呀。”对答十分之爆笑。