郑衍峰昨日（15/10）现身电视城出席《第十五届全国运动会》记者会。身型Fit爆的郑衍峰接受《香港01》访问时，透露为新角色不停操肌激减5Kg，准备镜头前大骚完美身材：“今次呢套剧《风华背后》入面我系饰演一名男公关，而且同郑希怡喺剧入面系少少关系，有一场戏就需要除衫。”

郑衍峰续说：“其实对自己嘅身形就唔系好满意，但为求能够更贴近个角色，当然就要加操，将个身形练得再好睇啲。咁当然角色就冇要求好似健美比赛嘅身形。由8月中开始减，到现时就减咗5Kg咁上下。”

被问到要长Keep个状态是否很吃力？郑衍峰表示：“其实都很辛苦，始终你系唔知佢哋几时会拍我𠮶场戏，而我都同节目组嘅同事讲，希望佢哋如果知边一日拍嘅时候，就早啲话我知，等我可以做啲甩水，令到个人可以干身啲，睇落去再结实啲。”