黄智雯相隔10年再度与李思捷首度合作，日前在温哥华列治文河石剧院隆重举行《今晚睇李思捷加黄智雯一个因慈善演唱会2025》，更难得是二人在音乐领域上首次同台演出，黄智雯为了著表演舞衣节食健身，李思捷叹同黄智雯合作感觉俨如两兄妹，其中前辈级人马黄淑仪亦惊喜成为座上客，令黄智雯受宠若惊，感动不已。

黄智雯为著舞衣节食健身

演唱会上，黄智雯献唱多首歌曲，又跳又唱，演绎《隆重登场》及《另眼相看》，黄智雯说：“为咗今次演出，事前都有练歌同排舞，呢两个月都有健身做运动，保持最佳状态，因为今次会有劲歌热舞，件舞衣都有少少性感，为咗件舞衣，我都刻意节食，唔食最爱零食、冰淇淋，务求有好嘅体态。”

黄智雯伙李思捷“兄妹档”加国开骚卖力跳唱

除了独唱，黄智雯首度与李思捷合唱《来夜方长》与《陪著你走》，令观众大叫encore，黄智雯表示：“初出道就同思捷合作《老婆大人II》，饰演佢女朋友，当时我系一个新人，新到不得了，而佢又系一位前辈、又钟意玩，当时同佢合作心情系战战兢兢，到第二次合作系《超能老豆》，思捷可以话睇住我成长，不过音乐舞台上我哋今次系第一次合作，佢好专业，好有台风，同思捷合唱好开心。”李思捷则表示同黄智雯合作感觉俨如两兄妹：“咁多年来，都知Mandy跳舞叻，系个全能艺人，但估唔到我哋两个把声黐埋一齐都几夹，听落好舒服，好似两兄妹咁，同声同气，几有默契。”

黄智雯见黄淑仪捧场开心送抱

此外，对于今次演唱会，黄智雯表示有很意义，除了可以为儿童医院筹款，亦可以重临旧地、与昔日的“战友”、前辈见面，特别见到Gigi姐黄淑仪到场，更是受宠若惊，黄智雯谓：“对上一次嚟呢个舞台，系12年前嘅事，重临呢个地方，亦见番之前合作过嘅工作人员，佢哋见证住我演艺路成长，所以内心有啲激动同感动，特别见到前辈Gigi姐，我同佢合作过好几次，佢仲饰演过我妈咪，见证不同阶段嘅我，所以见到佢，我忍唔住第一时间要同佢拥抱。”