岑丽香（香香）早前与陈家乐担正HOY TV剧集《我爱九龙城》，近日她现身家乐与KevinBoy、梁钊峰主持的网台节目《巴打围炉》受访，分享选美至入行拍剧的苦与乐。香香坦言初由加拿大返港，去到新的工作和生活环境，人生路不熟，有语言障碍，学过的知识又无法应用，一下子将自己的自信心都击倒，要重新适应：“你好容易觉得自己好蠢，就算你唔系一个蠢人，但你乜都唔明，佢会磨到你觉得自己系好唔识嘢嘅一个人。”

香香自言选美确实有传说中的“批踭”事件，但不欲透露太多，又指选美只占一段很短的时期，亦很感恩入行后剧接剧，机会很多，不过也让香香担心自己的“输出”和表现不似预期，“我睇中文，一行两行都要花成日去翻译。”她怕自己拍戏只要一句对白做得不好，已拖累整个团队，坦言：“有时你都会睇到，你一NG，啲灯光师，‘唉’，唔使讲你都feel到。‘天光喇㖞，冇灯喇㖞，暗喇㖞。’但同时间你又唔系冇做功课，你已经用晒尽力。（陈家乐：用晒尽力？）哈哈，你已经尽咗力喇㖞！”不过她又深知，做得不好不能怪任何人，也是自己应该承受被骂的后果：“我唔想再俾人闹，我好sensitive（敏感）。”

之后香香分享朋友“阿宜”在片场被骂的故事，其实“你朋友就是你”，香香在分享过程中也不止一次说漏了嘴，她说：“佢𠮶时好新，有个好好嘅角色，咁啱排到𠮶个戏朝头早跳海戏、淋湿身，跳海戏之后就系撞车，淋晒血喺个身度，喺车下面俾人撞，𠮶时两组㗎嘛，系外景，朝头早06到五六点，即系十二个钟啦，再要接厂㖞，多一个通告㗎嘛，其实我已经乱晒，𠮶时第一套……（众主持：阿宜！阿宜！系阿宜乱晒。）系，系佢，佢乱晒。𠮶朝跳完海，淋完身，之后淋晒血，死咗两次喇差唔多，你谂吓𠮶啲血系糖浆嚟㗎嘛，有啲糖浆、海水，你会唔会想冲一冲凉先接多个通告，再十二个钟啦系咪先？”

香香说“阿宜”就问助导可否回家洗澡，她说：“阿宜就话我好想冲一冲凉，血浆喺所有地方，我可唔可以好快冲个凉返嚟接厂？个PA话好呀，假设九点，九点返到嚟。𠮶时阿宜好新，佢冇计九点系化妆时间定action时间，因为佢真系唔知，同埋你讲到冲凉，都好明显要九点冲晒所有嘢啦，跟住佢真系九点返到嚟厂，九点返到嚟厂第一场戏，系同一个好犀利嘅前辈，系好有资格闹人嘅，但系又闹得有道理。”她更模仿这位前辈说：“咁呀？唔拍喇今晚！”指即使“冧厂”都没人会怪她，因为这位前辈确实德高望重，然而“阿宜”就因睇错通告得罪了前辈，她以为九点化妆整头，但原来是九点开厂，她再叉起腰扮该位前辈闹人：“所以大前辈就‘我哋等紧边个呀？’”陈家乐立即制止她再扮下去，指她实在扮得太明显，然后可爱的香香就尝试用另一把声讲同一句对白，让三位主持哭笑不得。

香香又认错：“阿宜系真系错，阿宜冇check清楚通告，凭问人哋、听人哋嘅指示就觉得OK，呢个真系新人嘅错。（主持：咁点收科呢？）我好记得……（主持：唔系你好记得，系阿宜好记得！）我好记得阿宜同我讲，佢好惊呀出晒汗，化妆师啱啱化佢个样整佢个头，平时女演员有一个钟慢慢搞，阿宜就话‘唔使靓呀！有就得㗎喇！挞啲粉落去啦！’15分钟已经跑咗入个厂，好惊呀阿宜！”她说自己入厂后连忙道歉，至于前辈有何反应，香香就指自己忘记了。不过由于香香自爆这是第一套剧，所以很明显便是《巴不得妈妈》，而这位前辈很可能是同剧的汪明荃或黄淑仪。

被问到初入行有没有试过因为是新人和“小薯”就被欺负，香香认为片场中确实有些导演为了展示威严，要摆款“揾人嚟闹”，自己都曾经被骂哭。陈家乐认为，香香有“选美冠军”光环，待遇会比其他人好些少，香香也同意这个衔头有帮助，但始终也不等于人人都识得自己，“你入到间公司，可能有啲人会话求其mark几个靓靓哋嘅女仔去做妃嫔，被foul㗎啦，你收到通告真系唔知吖嘛，到古装街又戴清装，其实自己都唔知𠮶个位置唔系几好㗎，因为我系第一次著古装，哗，觉得好靓呀！被foul嘅妃嫔，冇掟企，都觉得OK啦，跟住又俾人闹，‘唔系企呢度，系企呢度！’就咁听啰，点会知道系冇乜资格。”

讲到电视台的“闹人文化”，香香透露自己都是听了一句话而释怀，“初初嚟到入呢行，我都唔知点解吓吓都要闹，有一日我都谂点解成日都要闹，有个人喺我隔篱，佢EQ好高呀！佢话‘唔紧要啦，俾人闹吓，等佢舒服吓啦。’突然间成个人‘挞’（醒）咗，我其实唔使咁personal㗎可？有时人哋都要闹吓，自己都预咗有呢个过程，真系会舒服啲㖞。”她从此便想通了。