前“东张女神”林泳淘（Wingto）因主持TVB节目《东张西望》时穿小背心、孭斜孭袋去采访，吸引不少宅男粉丝，她在2019年离巢后，2021年与拍拖14年的初恋男友林卓立结婚。近年林泳淘转型做KOL，人气不减，日前她自爆收到诈骗电话，更被对方以粗口“问候”，令她嬲爆：“平时都收唔少诈骗㗎啦（例如图二），啱啱竟然突然有人打嚟讲晒粗口咁话要收数，我即时燥咗，同佢X完一轮之后，就即刻报警。”

林泳淘续说：“原来收数系依家最新嘅骗案手法，不过细胆嘅人可能真系会俾佢吓亲，大家小心。手法如下👉🏻佢会讲出你全名，叫你还钱。（但讲唔出你争边间公司钱）佢会有你身份证同地址，之后恐吓要上去你屋企。基本上你话资料错误，佢就会俾你吓窒（因为报警嘅时候佢都有讲好多报案人指资料系唔update嘅，包括我😌）骗徒嘅手法层出不穷，不过无啦啦俾人问候，真系令人0秒躁底(可能因为就嚟M😌）大家记得提防身边嘅家人同朋友要小心喔。P.S:顺便讲埋，我从来无问人借钱嘅习惯，如果你收到我问你借钱嘅信息可以X醒我🤭我一定系唔清醒。”

除了收到声称收数的诈骗电话之外，原来林泳淘亦曾收到诈骗短讯，据短讯所示，对方声称是住在林泳淘屋企楼下的住户周女士，并投诉晚上经常听到她屋企有敲地板的声音，严重影响休息，不过林泳淘就寸爆回复：“我住地下的，你住地府吗？”