无线台庆综艺节目《攻你上大学》即将开播，而今日（23日）三位主持林盛斌（阿Bob)、应届港姐亚军施宇琪（Angela）、季军袁文静（Jane）及多位星级嘉宾出席宣传活动，大家在台上大玩问答游戏，气氛相当之好。

接受访问时，问到与两位港姐合作对她们有何评价时，林盛斌就表示：“好好，认真㗎！我觉得同佢哋两个合作非常唔错。”而提到袁文静在其社交网站留言不小心将“包涵”打错成“包含”一事，对此他就表示对方这些傻大姐行为很可爱，像极了当年师姐李绮虹，很讨人欢喜。

另外，提到17岁女儿林霏儿日前在社交平台发文，表示遭到网民留言性骚扰，随后林霏儿就作回应表示：“控制唔到呢位仁兄讲乜，但系其实我真系好多人爱，好多人锡㗎！What about you？I hope you get happier in life And loved.”，对于女儿在回复对方留言的做法，他相当满意：“我觉得我个囡喺今次呢件事上面个处理及回应都非常唔错，讲真17岁佢喺我心目中都系小妹妹，佢可以回应直接去面对网民，人哋讲啲不雅唔系太友善说话嘅时候，佢最后都话‘自己系好幸福好有爱，好多人锡我嘅，我都希望你过一个开心快乐嘅生活，有个开心嘅人生’都好难㗎，我谂大人你能唔能够有𠮶种嘅胸怀去写一个咁样嘅回应，佢可以做得到，佢真系好叻。”

而就该事件，他透露一家人在吃饭的时候有作讨论：“我哋成家人一齐倾，大家都话大家姐very good，你嘅回应好好。”他又会与女儿讲：“我话唔需要太介意呢啲专登想你唔开心嘅人说话、留言、行为，你知道自己做紧啲咩嘢，你不如将啲时间放喺爱你嘅人身上。”强调女儿是次回应网民的留言做法是大方得体。