著名武指火星（蒋荣发）早前接受《香港01》专访谈及成龙大哥，坦言当年在薪酬上有绪多不公。今日（25/10）火星出席位于亚视厂房的活动，接受《香港01》访问，他表示最近正在内地帮忙筹办龙虎武师，即动作特技演员的学校，旨在培育下一代。

吁成龙开戏畀兄弟有工开

他表示，自专访后，多了十多间传媒邀请他做访问，但他觉得当初说出事件旨在“讲事实”，并非有其他意思。他也表示，有前成家班的“兄弟”生活艰难，或者成龙大哥可以帮手开几套戏，让兄弟有工开。“真系为成家班好嘅，咪照顾吓我𠮶班老一辈，喺香港开几部好平嘅戏畀成家班旧臣子去搞，搞得到，成功嘅，你揾到钱都好呀，起码有啲嘢做，畀佢哋寄托。而家市道好差，大家有嘢做，又帮你生产啲新嘢。”

揾食艰难

他又说：“我嘅心愿就系，希望你走出嚟，同我哋成家班饮吓茶倾吓偈。佢哋需要啲乜嘢，佢哋做得到你咪帮吓手啰，系咪先？喺香港呢个社会生活真系好困难。”他坦言自己收入也不高，所以已搬到珠海居住。“你想我出嚟帮你做嘢都可以，都做到幕后。（专访之后，成龙大哥有冇揾你？）点讲呢，佢有佢忙嘅。你想揾我哋就好容易嘅，我哋揾你就好难。”

火星：我个心好唔高兴

问到成龙大哥对兄弟的待遇，火星又说：“我以前唔知佢对啲手足点，一视同仁㗎啦。呢个我就惊破坏咗行规啰，行规有大有细㗎嘛。人哋导演，武指，唔可以话同价㗎嘛，人哋做嘢付出咗咁多。你之前话所有嘢，（大家）二话不说做咗啦，做咗之后，薪酬之中突然间咁样，我就真系个心好唔高兴，所以𠮶段嘢，到而家都摆喺心里面三十几年。”

成龙扣人工？

有传当年在外国拍戏时，成龙大哥疑似扣起成家班的薪酬，指外国剧组想给$120使费时，成龙就表示给$80即可。对于传闻，火星说：“呢件事佢都知㗎啦，其实太耐啦，应该系84年去美国拍𠮶套西片。Pocket money（零用钱）一个星期250蚊美金，你同监制讲唔使畀我哋咁多，50蚊啦，扣咗我200蚊。跟住呢，去咗一个月咁就800蚊，呢啲系以前嘅事。我谂你都忘记咗啦。”

千二剩二百

他续说：“𠮶部戏喺New York拍𠮶阵时，有个临演替身，𠮶个替身喺架直升机，飞咗成个纽约，人哋公司开一千二百蚊美金畀佢，你同人哋制片讲唔使咁多，二百得啦，扣咗一千蚊。呢单嘢，你都知啦，你有手足叫王坤，返咗嚟之后，离开咗成家班。点解会离开成家班，就系你做咗呢个行为。佢觉得你将来都系会咁样做。点解我会接受呢啲访问呢，我趁呢个机会，我想同你计吓啲旧数啰，你有好多戏做咗之后，我希望你将我啲人工畀返我。”