阮小仪今日（31/10）在商台王牌节目《早霸王》最后开咪，一小时的节目终完结，阮小仪正式告别了她长达31年的电台生涯，这一重要时刻引起了广大听众和高度关注和不舍。本次告别不仅是对过去岁月的回顾，更象征着一个时代的结束与转变。

节目结束后阮小仪与森美、梁嘉琪一起接受访问，阮小仪表示这次离开是经过深思熟虑的决定：“因为旧年爸爸身体出现咗问题，但佢好叻仔而家就好返晒。由细到大爸爸喺我心目中系一个铁人，因为佢做地盘，佢系好硬净。但喺旧年嘅时候，佢畀我睇到佢最软弱嘅一面，令到我有新嘅谂法，要好好珍惜同屋企人嘅关系，我爸爸已经八十几岁，佢而家好精神，变咗呢啲时间，更要争取多啲时间去陪佢，多啲陪佢哋同佢哋饮茶倾多啲偈，已经好足够，咁所以我就觉得要紧握住呢啲时刻。”

问到父亲患病期间，是否一直守护住在他身边？阮小仪表示：“一直守护住佢，相反妈妈就辛苦啲，佢一直喺爸爸面前扮坚强，但就喺我面前就好软弱，因为佢唔明爸爸发生咩嘢事，佢问我，我自己都唔识，我要返嚟问森美。当时系要面对不知道嘅可能性，好感恩爸爸最终冇事，我觉得冇嘢系好得过有时间去陪伴身边爱锡嘅人。”森美续说：“当时佢真系好担心，而我个仔喺𠮶间医院巡房，特登去探佢，当时我系感受到小仪𠮶份忧心，而佢今次嘅决定系为咗佢屋企人，同埋只狗狗都年纪大。”

对于阮小仪为家人而决定放弃DJ生涯，森美一度哽咽：“我都好赞成，我同佢讲我唔会挽留你，我好多谢佢令到我可以重新再谂一谂我嘅人生去向，因为我妈妈今年佢又有病，令我系咪需要咁多时间去工作呢？虽然喺节目度我成日去虾佢，但喺生活上我系跟佢学嘢，包括系今次。我同佢讲我好多谢佢，令我明白乜嘢系最重要。其实呢半年我不停咁同太太讲，小仪走啦，我系咪都唔做？因为我自己嘅情绪位都好多⋯⋯⋯唔系因为小仪，系因为佢令我要谂自己嘅人生，因为会谂妈咪，人去到呢个年纪回想一生自己做错嘅嘢……但就系小仪畀咗个力量我，令我知道屋企人嘅重要性。”