郭珮文昨日（2日）出席全运会活动时接受《香港01》访问，罕有地透露自己陷入事业低谷，坦言“成年近乎零收入”。虽然郭珮文一入行已经获得拍剧的机会，可惜拍完《法证先锋6》及《新闻女王2》后就几乎零工作，这段期间，郭珮文主要依赖积蓄及家人支持过活。

郭珮文在言谈间流露出一丝无奈，被问到近况时，她坦言：“最近公司就唔系话特别多机会嘅，我今年年头系拍咗《新闻女王2》。”除了《新闻女王2》外，她亦点头承认：“最近就冇乜话有特别其他嘅Show。”面对突如其来嘅“空窗期”，郭珮文透露自己只能“增值下自己”，例如学运动同唱歌。当被问及点样维持生计时，佢直言不讳：“咁就有一部分系自己嘅积蓄，有一部分但屋企 Support。”佢表示自己非常幸运，住宿方面唔需要担心，但日常使费就要靠自己“食老本”。没工作自然没有收入，郭珮文坦承呢种情况令佢感到压力：“系会有少少焦虑嘅，因为冇收入嘛。”

面对困境，郭珮文坦言自己最想嘅依然系拍剧：“有咩都想尝试嘅，但暂时嚟讲自己最钟意嘅就系拍剧。”但佢亦理解现时市况：“我都知最近都唔系话好多剧开紧，都好多人，我暂时嚟讲就系比较佛系啲等候。”被问到会否选择去“敲门”向监制自荐，佢就显得有啲犹豫：“都会有呢个想法嘅，但系暂时未做到。”至于为何不敢踏出第一步，她坦白说：“可能未有呢个胆！因为我觉得如果佢哋暂时未用我，可能觉得个角色唔啱我，所以我就冇特别去争取。”

不过郭珮文似乎意识到“佛系”并非长远之计，她马上补充说：“我可能都要开始咁样做，如果唔系嘅话，太耐咁样就唔系咁好啦。”她表示会开始向公司积极反映，希望争取更多机会。虽然收入归零，但郭珮文的开支似乎未有大幅减少。她被问到每月使费大概多少时，她笑言高达：“五位数。”一个月的使费过万，全靠积蓄顶著，郭珮文指今年运气麻麻，工作不多。

郭珮文解释自己使费高昂的主要原因是用在饮食上：“因为我不嬲都好钟意食嘢，所以我将好大部分嘅消费都系放喺食嘢方面。（食嘢都食到五位数？）基本上都系食嘢。”看来郭珮文对饮食都很有要求。