过去TVB曾经制作过许多脍炙人口的综艺节目，其中一个是《欢乐今宵》，而今日（4日）《欢乐今宵》一班台前幕后在尖沙咀一间酒楼出席“2025 EYT 好友会联劝晚宴”活动，包括有罗兰、胡枫、邝美云、陈百祥（叻哥）﹑黄杏秀、林嘉华等人出席，场面非常热闹。

陈百祥在接受媒体访问时，提到早前在公开场合完全毫不留情批评TVB，甚至指“冇人需要靠TVB”等，问到作为好朋友现为TVB总经理的曾志伟有否私下叫他不要说太多有关TVB的事情时，他就表示：“佢可以叫我唔好讲咩？我系我，佢系佢。”他续言自己只不过是讲事实而已，并不是针对TVB或曾志伟：“所有电视行业都系黄昏事业，呢个行业系蚀紧钱，咁个大方向就系我早谂咗啦，一定系网上呀嘛，而家有支付宝、PayMe，所以直播先至咁成功，咁梗系要转型，我哋电话都八位数字（点击率）嘅直播，TVB点样做到啊？做唔到㗎嘛，佢（TVB）得百几万人睇20点咋嘛，我做《运财至叻星》都有30点呀，咁系咪一路落紧低潮呀，边个都救唔到，唔关曾志伟事，唔关任何人事，系个行业嘅事。我冇针对佢亦冇针对TVB，我系讲咗真话出嚟啫。”

陈百祥一直强调电视行业已是黄昏事业，认为需要转型求变，问到既然这么说那电视台是不是需要存在呢？他就二话不说：“应该一定要存在，黄昏事业唔代表执笠，等于而家好多铺都空租，大家都唔会买嘢咩？电视台要有转折咋嘛，（咁你有冇俾贴士志伟哥点样去改变呢个黄昏行业？）佢而家系总经理呀嘛，我唔系TVB嘅人，（但你哋系好朋友嚟）好朋友咪劝佢唔好做啰，我都话电视冇得做，我讲㗎嘛，但佢入去唔系因为电视冇得做，佢入去系想炒咗余咏珊咋嘛！(点解要余咏珊？）因为旧时东方魅力余咏珊系打佢工，入咗去TVB之后余咏珊唔听佢讲，𠮶阵时曾志伟冇事话。”他又以老板与员工比喻:“你伙计唔听你讲，你做返佢老细咪炒咗佢就系咁简单。”