女团XiX近年发展遇到重大关键时刻，围绕与环球唱片的续约问题成为业界及粉丝焦点。经理人郭伟亮（Eric Kwok）早前亲口承认，XiX新歌《你唔明㗎喇》的成绩将决定她们能否续约，形容为“一曲定生死”。Eric Kwok续指若成绩不理想，环球唱片将难以继续大力支持女团，可能会停下计划，甚至重组或暂停发展，他表示女团经营成本高昂，香港市场有限，若无突破性表现，很难获得唱片公司信心持续投资。

今日（7/11）Eric Kwok连同女团XiX两名成员Caitlin及Crystal现身电视城出席无线节目《唱钱》开厂拜神，对于“一曲定生死”，Eric Kwok接受《香港01》访问时笑言：“未死得。反而呢只歌系咁多只歌嚟讲反应系最好，喺街度都好多人识呢只歌，计划我哋系有，咁所以系唔使担心。”

问到所谓“一曲定生死”是否只是向成员施压求上进？Eric Kwok表示：“其实压力成日都畀，但呢一个唔系gimmick嚟，当时同环球倾嘅时候佢哋真系咁讲，系好认真嘅。不过做呢行好多时候，都真系一曲定生死，好多嘢都真系唔知。（续咗约未？）其实𠮶个报道系唔啱嘅，佢哋本身仲有约，我哋一直系环球同TVB，只不过系嚟紧之后嘅发展系唔知。”