蔡思贝今日为慈善跑活动担任嘉宾，她表示自己很少早上跑常，参加慈善跑步活动才会早上跑，因为怕晒。她平日也会经常跑步，通常会在黄昏跑，钟意街跑感觉接近大自然，可以望到人，跑步对她来说好解压。蔡思贝笑言不够胆叫她的好姐妹一起跑：“佢哋太忙要照顾小朋友，约佢哋可能要等三年。（会唔会觉得孤单？）我自由身好开心，佢哋有责任喺身。”问到她最近是否瘦了？她说：“差唔多，有keep住做运动控制体重。”蔡思贝透露最近忙于准备到美国开骚，她说：“第一次去美国开骚，要准备，我唔系专业歌手，都有上堂学习，呢次同之前登台唔同，之前系开心一齐玩咁样，今次系音乐剧性质，可以拣啲悲惨啲嘅歌嚟唱。”

近日有报道指蔡思贝已很久没有拍剧，对此她坦言自己手头上已经无剧，被问到有传她已约满无线？蔡思贝表示：“传言传言。（咁仲有几耐约？）合约呢啲仲有几耐就唔讲得，我觉得冥冥中有主宰，其实工作方面一直有安排。（你话要剪头发准备演新角色？）可能系我中文表达唔好，我系话好期待一个角色畀到机会我剪头发。（呢排都比较空闲？）呢排都唔空闲会，有上堂进修。（会唔会因为曝光少咗觉得失落？）唔会失落，最好嘅时光最好嘅安排。（工作少咗有无影响收入？）我有出粮嘅，有公司份粮。（即系无影响收入？）收入正常啰。”

另外早前有报道指蔡思贝有个富豪男友做她的大水喉，对此她说：“呢啲唔系第一次发生，你哋唔好再支持呢啲报道，如果有人睇就会继续写。（咁样传会唔会觉得委屈？）对于呢啲不实报道我系问号，why？（最近有无多咗异性埋身？）男男女女，自己身边大部分朋友都系女性，男性朋友比较少见面。（有无人追？）都有人追嘅，但系自己唔想，唔系自己focus嘅嘢，想专注工作。（屋企人无催你拍拖？）我屋企人比较open，唔会催婚催生B。”提到她有份参演周星驰的新戏，问到知否什么时候上映？蔡思贝说：“系接咗一部电影，但系签咗保密协议唔讲得，有机会再分享。”