现年43岁的张颕康于2000年出道，曾经为歌手，但星途平平，直到2006年经刘德华介绍下加入了TVB，一做便做了19年。今日（10日）凌晨，张颕康发文宣布离巢的消息：“19年，真系一个唔短嘅日子！拍完最后一个镜头，原来眼泪真系会忍唔住留咗出嚟！”除了刘德华外，张颕康于文中亦感谢林家栋，当时他加入TVB艺员训练班前，林家栋给予他金石良言，令到他至心都铭记于心：“19年前，华哥（刘德华）安排咗我加入TVB嘅训练班，希望我可以好似佢同家栋哥哥一样，接受TVB木人巷嘅训练！我好记得入TVB前，家栋哥哥同我讲咗句说话：‘入到去，乜都唔好理，耷低个头就做，你一定会学到嘢！’确实，遵从呢句说话，19年后我真系成为咗一位实实在在嘅演员！多谢华哥同家栋哥哥！”

原来不经不觉张颕康已经加入了TVB 19年，多年来他演出过不少令人难忘的角色，但说到最为人认知的一定是《回到三国》的范根。他所演出的角色非常戆直，而且带点傻气，令人看得津津乐道。

2016年，张颕康在剧集《一屋老友记》中饰演“宝愉”一角，表现再次受到观众注目。同年11月，他在《TVB 马来西亚星光荟萃颁奖典礼2016》首次夺得“最喜爱 TVB 飞跃进步男艺员”奖，并透露“自己曾在2010年因需成家立室而一度转行做来往中港的文员，惟车祸使其回想十年来连配角都未演过，觉得不甘心，遂决意重返无线电视。”当年更让他首度获提名《万千星辉颁奖典礼2016》“最佳男配角”和夺得“飞跃进步男艺员”奖。可惜他多次凭角色入选“最佳男配角”奖，2019年更入选“最佳男主角”奖，可惜最后都是无功而还，但他的实力是备受认可的。

张颕康全文如下：

再见了TVB！所以喺TVB嘅最后一日，影咗啲相留念！

19年，真系一个唔短嘅日子！拍完最后一个镜头，原来眼泪真系会忍唔住留咗出嚟！

19年前，华哥（刘德华）安排咗我加入TVB嘅训练班，希望我可以好似佢同家栋哥哥一样，接受TVB木人巷嘅训练！我好记得入TVB前，家栋哥哥同我讲咗句说话：“入到去，乜都唔好理，耷低个头就做，你一定会学到嘢！”

确实，遵从呢句说话，19年后我真系成为咗一位实实在在嘅演员！多谢华哥同家栋哥哥！

同10年前我攞飞跃进步男艺员上台时讲嘅一样，我要多谢家豪哥，小青姐，黄伟声，张干文，陈志江，方俊钊！多谢你哋俾咗好多机会我，成就我演出咗多个感动到观众嘅角色！

喺最近呢几年，我好庆幸可以同77工作室合作多部剧集！我特别要多谢佳哥（钟澍佳）对我嘅支持同鼓励，令我愈演愈有信心，让我喺呢两年内对演戏领会到另一个层次！

多谢TVB！多谢你俾咗我一个咁好嘅平台，让广大嘅观众认识到我呢位演员！多谢你俾我认识到我眼中独一无二嘅东张女神麦雅致，然后仲成为咗我嘅老婆，俾咗我一个幸福完美嘅家庭！

好喇！19年后嘅今日，我终于可以好自豪咁讲一句：“我张颕康，系刘德华同TVB栽培出嚟嘅演员！”

各位战友，江湖见！