李彩华（Rain)鲜有在香港露面出席公开活动，今（11日）现身香港街市一年一度的“海鲜祭”活动，身穿露腰装的她，相当漂亮且具有青春气息，还吸引不少中学生当场欢呼向她表白，令她相当开心。

而今日是她42岁的正日生日，在接受媒体访问时，问到有何庆祝活动，她就二话不说：“今晚约咗一班朋友开party。”而提到会不会有小鲜肉一同庆生时，她就突提到刚才有中学生欢呼向自己表白讲“I love you”令其相当开心，强调虽然喜欢小鲜肉，但一定要成年才可以。

讲到感情事，李彩华亦透露现有多人追求：“一定过10个以上，（系咪多数系国内男生？）唔系呀！好多香港㖞，本地小鲜肉。（边度认识嘅？）有啲系朋友嘅朋友。（会唔会有啲系朋友个仔？）咁就冇，朋友𠮶仔啲friends。（有冇边个睇得上眼进一步发展？）而家应酬吓先，大家感受吓暧昧一阵，（你有咩择偶条件？）最紧要大家相处舒服，其实有阵时同啲男仔相处，头几次大家相处嘅时候会几舒服嘅，但慢慢就唔系好舒服，可能佢有啲压力，我哋一齐出街，但我冇嘢㖞，可能觉得会有好多人望住，好有压力咁样，有压力就唔好勉强，我觉得勉强系冇幸福。”

另外，己离婚多年的她问到现阶段找对象时，会不会以结婚为前提呢？她就表示：“我唔会啦！𠮶阵时结婚我系好想结婚，我细细个就好想结婚，但结完之后好多嘢唔系想像之中一样，我就算，放弃啦！当然，唔系话结婚唔好，只不过我做呢一行，可能有阵时另一伴觉得，对于拍啲kiss嘅戏或者着衫会性感啲，我哋有好多演员、歌手嘅朋友，可能佢又会觉得点解会同啲异性咁亲密，我自己就会觉得好辛苦，而家拣另一伴希望大家都系open啲。”同时，她亦很大方承认喜欢肌肉男：“钟意呀！我觉得身材一定要好嘅。”透露近日才与朋友讨论曾比特，皆因对方日前公开“朱古力腹肌”照片，获不少网民激赞。