香港一代笑匠卢海鹏演而优则唱，多年以来深受观众喜爱，而现年83岁他即将在明年1月份举行《“鸣金收咪”演·唱会》，而今（11日）他就现身记招宣传活动，精神相当不俗，访问时对答如流，令传媒朋友笑个不停。

演唱会没有rundown自由发挥

提到这个演唱会名为“鸣金收咪”，问到是不是最后一次开演唱会，他就二话不说：“点话得埋，唱咗唔死咪又再嚟，有乜所谓啫。（呢个演唱会系咪真系冇rundown，想点样就点样？）系就话冇rundown，自己有组织吓嘅。（系咪会跳舞呢？）都话会啰，样样都会啰！（有冇话最想边个朋友嚟做嘉宾？）个个都想，有边个唔想呀！”（会唔会喺演唱会上扮演自己经典角色？）我呢个系演唱会㖞，主要系听我唱，唱返经典嘅歌就会。”表明《几许疯语》（翻唱罗文《几许风雨》）一定会唱，但《扫墓》就不会唱：“大吉利是，我唔唱。”

被相士批过不了79岁

而在活动中，卢海鹏被爆曾被某一位相士批命，指他只有79岁命而已，当时他有一刻是觉得自己过不了79岁的，因为走路时双脚没有力气，幸得周润发每日接送他跑步锻炼，更向他暖心鼓励：“阿鹏，我带你跑过79岁。”一跑就跑到现在，他当场表示：“而家佢（相士）唔知死咗未？”。现时他亦风雨不改，日日都有去跑步，但已经没有跟周润发一起跑步了：“而家得我一个人跑，佢哋𠮶班跑步都散晒，冇我咁坚持，（跑开边度？）我喺屋企跑㗎咋，（屋企有跑步机？）屋企街道跑。（跑几耐？）唔使好耐，总之跑到咁上下就算，总之就日日坚持跑，乜嘢病都会好返晒，而家我就糖尿病都冇。”透露早前复诊时，医生告知检验结果完全正常。

受到糖尿病困扰导致右眼青光眼失明

而因为长年受到糖尿病困扰，并引发多种并发症，导致其右眼青光眼，最后就医时医生就告知“冇得医”，现时靠另一只眼看东西，但仍需靠滴眼药水以维持眼睛健康：“一光得滞就唔会蒙，一黑就更加睇唔到，搞到我平时行路都唔敢行得快 。”续问到因眼睛健康问题，届时演唱会是不是大部分时间坐下来唱歌时，他就强调：“大部份都系企喺度，唔会坐喺度，坐喺度我就收工。（有冇话拣咗咩靓衫？）使乜拣，到时𠮶个阶段唱咩歌我就换咩衫㗎啦！（点样保护把声？）你就唔好问我咁多嘢。”对答如流，令现场笑声不断。

不舍艺训班“师兄”许绍雄

最后，提到有关许绍雄因病离世一事，卢海鹏亦坦承：“梗系心情唔好啦！（有冇谂返起以前同佢嘅开心事？）咁梗系有。”而二人曾先后报考入读无线艺员训练班，是师兄弟关系。