邓丽欣（Stephy）首个个人画展“Step into the Secret Garden”今日（12日）举行开幕仪式，问到是否梦想成真？邓丽欣说：“系呀，依家都好似发紧梦咁，筹备时未有呢种感觉，到呢日终于嚟到喇，有一种做新人嘅感觉，请大家多多指教。（最钟意边幅画？）就好似自己有好多小朋友咁，无话钟意边个多啲，手掌又系肉左手又系肉咁。”她表示自己画人像油画最耐，而最深刻的一幅就是她背后最大那幅画。邓丽欣说：“呢幅系流体画，要放喺地上面画，如果唔系要开今次嘅画展，我未必有勇气去开始，画咗一星期我条腰痛咗两星期，出嚟嘅效果好满意，好开心。（会唔会卖？）未谂，如果卖都会想系做慈善，个展览到出年1月，未有呢个心思去研究，如果有朋友想买可以打折。后面幅画好大唔想攞返屋企。（叫男朋友买？）咁咪又系攞返去我屋企，想做一个慈善义卖，但未有时间去做，都会唔舍得，要割爱，未试过，好似畀咗个小朋友人哋咁样。”

问到邓丽欣她的男朋友可有说要买她的画？邓丽欣说：“无㖞，佢可以用第二啲方法嚟支持嘅。（有无叫你画佢？）佢无叫我画佢，但有叫我画只猫。（你哋互画？）佢就唔好画喇，佢系文学𠮶边，佢系诗人嚟，写嘢ok，中英都可以。（佢有无写诗氹你？）如果佢系用诗氹我咁当初就无办法开始。今次佢有帮手嘅，我啲画要写介绍，佢有教我点写会写得好啲。（乘机放闪？）系㗎，大家可以留意下啲画嘅介绍。（仲有无其他画？）画就无喇，啱摆就攞晒出嚟。”邓丽欣表示导赏团考虑增加人数，她的妈妈同屋企人都未睇，也会考虑加导赏团给粉丝，看售票情况，自己也会暗中来观察，门票部分收益会捐作慈善用途。她又说之后会分配时间画多些画：“之前要搞演唱会唔够时间画同处理，有两幅未干，新鲜出炉。（呢20幅画总共画咗几耐？）唔系用咗好耐，18、19年开始到依家，有啲系演唱会期间画嘅。我系一个几励志嘅故事，一年前朋友问我成为契机，对自己要有信心，要相信自己，唔好错过机会。（你系咪被歌手耽误嘅画家？）未必，互相耽误啦，我做嘅嘢唔系单向，可以同步进行。”

至于可有留意她的旧爱王子（邱胜翔）偷食人妻的新闻？邓丽欣表示：“咁一定有睇到，唔想回应太多喇，别人嘅私人事，回应太多对件事无帮助。（佢因为今次嘅事被停工，可能会断送星途？）真系唔评论咁多喇。（你哋有无联络？）无。（之前分手关唔关第三者事？）唔讲咁多喇。”另外，提到苏永康被指密会“嫩版邓丽欣”，可会觉得自己躺着也中枪？对此邓丽欣说：“我啱啱都想讲，我妈都有讲，一起身睇到我个名，心谂点解又关我事？原来系误会一场。（造星6都有你个名㖞。）系呀，我个dancer参加咗，我知，佢有同我讲，我有鼓励佢，佢做返自己就得喇，佢咁劲。”