施宇琪（Angela ）在2025年参加香港小姐竞选凭出众外貌和优雅的气质获得亚军，火速签约无线电视，成为经理人合约女艺员。施宇琪曾在高盛实习，其后加入摩根士丹利担任股票期权交易员，拥有五年金融业经验。剑桥学霸背景，亦成为网民的关注点。

施宇琪今日（15/11）现身沙田马场出席活动，提到日前她在社交平台拍片主动搲捞，并正式宣布转换跑道不做演员，而是向主持及财经主播方面发展：“因为本人好钟意财经呢一方面，而我系放唔低同埋我系好想做，我个心同我讲，我要做，而我一决定咗，我就会勇往直前。”

被问到分享影片前无线是否知情？施宇琪表示：“唔知㗎。但我有打咗俾经理人，问过佢我可唔可以去TVB财经台，我系有同佢商量过，但唔知可唔可行，但我要读咗书先，读完专业啲，咪会有多啲机会。（点解唔想做演员？）因为唔够靓，同埋我系好易肥，要我Keep一个艺人瘦嘅身材，我每日只可以食800卡路里。变咗我做唔到艺人𠮶种瘦，何必呢？我又咁钟意食嘢。（主播都要靓！）咁我又唔需要咁瘦嘛，我而家咁嘅状态可以做主播，但就做唔到演员。（演员有唔同角色！）我觉得难啲啰，我觉得做人要往自己擅长嘅嘢去进发嘅。我擅长财经，又擅长吹水。屋企人都好支持我，只要我唔杀人放火佢哋都好支持我。”