全运会男子花剑个人赛事今日（16日）在启德体育园上演，港队主将之一蔡俊彦于半总决赛对战福建的许杰，输9：15，八强下马。今日ViuTV派出“特派体育记者”吕爵安（Edan）去访问蔡俊彦，二人是大学时期室友兼“老Best”，情同兄弟，一见面已立即互窒，相当搞笑。

蔡俊彦见到Edan即说：“唔怪得之输啦！”、“因为你！”Edan表示自己迟了到场，未能亲眼见证对方作赛，有点可惜，问到比赛后心情，蔡俊彦就揶揄Edan走音：“本来好唔开心，见到你开心好多。其实本身都冇唔开心嘅，都大个啦而家，唔会因为一次失落好唔开心，好似你咁，唔会因为走音唔开心，如果唔系你系咪成日都要唔开心？”Edan随即面色一变深呼吸，再笑言：“系呀系呀，我都大个。”

蔡俊彦续说：“我比赛成日都输，你可能见我上年赢过三次，你唔好窒我住，上年赢过三次，但其他全部都系输，如果每次输都要好唔开心，我就会抑郁㗎喇。”Edan即揾位入：“咁我走音嘅频率应该冇你输得咁多。”蔡俊彦：“冇冇冇，你好少唔开心！”Edan尝试化身专业记者讲返正题，问对方如何评价自己表现，谁知蔡俊彦随即又说：“OK啰，呢个比赛算系我呢两年嚟准备得比较辛苦，因为我而家病病地，同埋我仲Jetlag（时差），（Edan：有好多原因。）好多借口㗎，你走音都好多借口嘛！感冒型运动员！”Edan再表示自己要专业认真做访问，蔡俊彦才回复正经：“我因为病，负面情绪容易啲爆发，所以特别忧心，但系好替自己感到骄傲，今朝起身怀着乐观同享受嘅心情打比赛。”

蔡俊彦于19日仍有团体赛，他指有队友支持、力量更大，不再孤军作战，因此会较有信心，希望能夺得金牌。最后，他又感恩有支持者为自己打气，相信有部份人是Edan的粉丝，但自己比赛时不便给予回应，盼他们见谅：“打比赛要Focus，我惊我互动得多会分心，所以每一下听到都好开心，但系都要忍住，希望大家唔好觉得我无视，我真系好想即刻报答畀大家，但系𠮶个唔系最好嘅时机，所以我而家想喺镜头面前好多谢支持我哋嘅每一位。”