现年58岁的黄泽锋和同龄太太陈丽丽今年9月初宣布二女“小贵妃”顺利在在8月22日出世，今日（11月23日）在尖沙咀酒楼摆百日宴，修哥胡枫、冯素波、杨明、刘锡贤、余慕莲、邓兆尊、同门师兄弟黄浩然和师父冼灏英等好友亦有被邀请。

黄泽锋接受访问时分享凑女经，笑言大女“小黄妃”活泼好动：“冇得控制佢。”二女则较文静：“而家三个月，硬净啲，好似乖咗啲。”黄泽锋太太陈丽丽表示，感受两个女儿的分别：“大𠮶个唔瞓床仔，呢个就知落去就系瞓觉。佢OK嘅，但系佢唔瞓，你要陪佢去到凌晨5点，有时你得一个就冇问题，但系家姐第二朝要返学，又要照顾佢起身返学。两个一齐凑真系辛苦嘅。”

黄泽锋表示，他会向大女表达，自己爱小女儿“小贵妃”的同时，也会一样爱她。“我好醒目㗎。我今日先同佢讲完：‘我爱你之余亦都爱妹妹，爱妹妹亦都爱你。’要话清楚畀佢听。而家小朋友好精，郁少少佢已经有反应，我亦都处理得好好。”黄泽锋夫妇也分享，大女“小黄妃”也十分懂事，会主动要求帮手照顾妹妹。

有记者问，多了一个小朋友压力会不会又多了？黄泽锋甜笑回应：“我觉得，去到我啲年纪又唔使出去蒲嘅，消耗都系佢，我几好，有两个女，加埋我老婆三个，几幸福呀！”有记者表示他只有两只手，怎么办？太太陈丽丽回答：“咁我唔使抱㗎嘛，自己行啦。”黄泽锋又说：“两个都抱，三个咪揹埋佢啰，有乜所谓，而家都揹紧㗎啦，哈哈哈。”经济有压力？黄泽锋回答：“冇乜压力，讲真，坦白讲，多有多使，少有少使。”太太陈丽丽补充：“其实应该讲系原动力。”