2025年港姐比赛中，袁文静以黑马姿态勇夺季军，火速成为无线经理人合约艺人。袁文静早前在社交平台发文，指在TVB做女艺人期间遇到生理期忍痛企足8小时感辛酸，惹起网上热议。目前，她仍持续学习语言和提升自身能力，继续向演员方面发展未敢松懈。

日前（21/11）袁文静现身尖沙咀出席《欢乐满东华》记者会，接受《香港01》访问时表示：“我而家揾咗个老师教我学中文，一星期学3堂，每次一个钟教我发音，而家我揾到嘅钱都系用嚟教学费，同埋每日够食一餐叉烧饭同够交房租。（有冇多余钱买衫？）咁梗系冇啦，所以而家系着住TVB提供嘅衫。”

被问到是否要悭住使？袁文静表示：“唔紧要啦，最近要开心咪得啰。（屋企人会唔会返嚟探你？）佢哋喺上海，有时就会返嚟睇我，因为我出国读咗好多年书，我妈咪都好放心我自己一个人，我唔系baby，我27岁系高龄港姐。（你一个人住习唔习惯？）习惯呀，之前喺英国都系自己住。（男朋友冇陪你咩？）佢都会嚟㗎，但佢工作都好忙。（佢喺香港？）佢喺香港。（佢做咩工作？）我而家唔讲，哈哈，俾啲神秘感大家。（拍咗几耐拖？）拍咗4年。（点识？）喺亚里巴巴工作时认识，大家系同事。（有冇谂结婚？）有谂呀，但而家大家都好忙。（感情会唔会变淡？）我谂都唔会，好稳定。因为我会俾短讯佢话佢知我做乜嘢，几时返屋企。（同居咪可以互相照顾！）都谂紧㗎。（佢可以交埋租！）我好独立㗎。（佢系香港人？）哎哟你唔好问咁多啦，全部俾你问晒啦，会冇乜嘢可以讲啦。（我八卦嘛！）我之后我会讲啦，哈哈。”