“冻龄男神”吕良伟与太太杨小娟昨（26日）盛装打扮出席出席“《齐惜福·乐助》音乐会暨慈善晚宴”，而在晚宴上他会大开金口唱歌，在接受媒体访问时就表示：“我会唱首歌畀大家听，你知如果只系叫大家筹款咁样太干啦！不如上去或者谂啲咩节目同佢哋互动吓，唱吓歌大家又开心。（有冇饮歌袋定？）唔系好多，十几只到。（可以出碟㖞）原本有谂过出碟，我实在有好多嘢搞，所以到而家都未成。因为我写紧本书，教人点样可以健康可以养生，食嘢边方面要注意，休息、睡眠质量又如何等等，呢本书写紧，应该再过几个月可以出。”强调因为亲身试过，所以才出书与大家分享。

吕良伟虽然已70岁了，但他日前公开检测报告，生理年龄却只有39.9岁，相当惊人。问到在保养方面有何重点时，他就二话不说：“当我讲完你哋去学，学识咗之后坚持，坚持系最重要。如果唔系呢我教一百次，你哋唔坚持好快就唔记得晒，所以就冇用。（你有冇身材或容貌上焦虑？）其实我活着系个心态，对实际年龄，譬如今年70岁，我完全系冇咁嘅焦虑，因为我觉得我自己嘅体能、体力系比我10年前20年前都仲好，所以喺呢方面我完全冇焦虑。”

他还大方分享独门养生秘笈：“因为我练嘅系中国传统武功，唔系话普通见到𠮶啲。（系唔系内功心法？）系呀。如果有机会我可以畀你试吓我身体状态你会吓一跳。”另提到70岁会不会大搞生日宴时，他就表示：“系，太太会帮我做。”