大埔宏福苑的五级火灾，全港市民都为之心碎，为了关注市民嘅身心需要，HOY TV的《健康关注组》特别制作一连五集灾后专辑《无情大火 守望相助》，希望透过这一系列专题，协助市民抒解情绪，两位主持敖嘉年同Paula黄芳雯录影时回顾火灾发生后的情形都大感痛心，嘉年仲忍唔住流下男儿泪，一度要中断访问平复心情。

共五集的专辑会邀请不同医生、中医、社工及心理学专家，与观众分享如何在重大事故发生后照顾自己与家人，以及处理灾后心理与生理问题的实用建议。Paula指内容都系针对相关课题，希望陪伴港人在面对今次悲剧时，如何保持心理上嘅健康：“我哋邀请咗唔同嘅专家分析同埋辅导，大家一齐经历、渡过呢个艰难嘅时刻。”嘉年就指这段时间，身边好友都很关注相关新闻，每分每秒都紧贴灾情最新嘅进展，连他亦不例外，他说：“不过我有位心理学嘅朋友第二朝传短信过来，提醒我接收太多相关资讯会对心理有影响，要暂时停一停，暂时唔好睇，我都提醒身边嘅朋友，因为佢哋好专注，仲开始出现情绪，其实我哋嘅同事都好辛苦，因为要突然改哂今个礼拜所有主题，佢哋都要通宵达旦去完成相关稿件，真系好攰，不过大家都好有心，希望可出一分力。”

回顾火灾发生的那天，两人虽然并非置身现场，不过都感同身受，嘉年讲到中途更忍唔住泪水：“我自己情绪顶唔顺时，都会尽量做吓其他事，好似买吓𩠌或者整埋吓植物，希望情绪可以平复吓先。朋友有去现场做义工，我负责执舍物资放入袋，另外就捐钱捐物资，我哋去买啲暖毡，揾哂成个铜锣湾都卖哂，我问咁快？佢就话好多人搜罗咗，拎咗去大埔𠮶度啦，咁我就话好啊，起码卖断货，用得著就帮到佢哋手啰，呢件事令我觉得好多人嘅心都系好暖嘅﹗”而Paula就刚由外地返港，子女来接机时，她已经忍不住泪水揽住仔女，她说：“我都有喺车度问佢哋知唔知发有件咁嘅事？你哋心情点嘛？咁我觉得香港学校嘅老师都好专业，发生事故，无论系幼稚园或者小学，其实小朋友都知，你隐瞒唔到佢哋，老师都会提供好多心理上嘅辅导，真系好多谢佢哋啊。”