圈中模范夫妻王祖蓝及李亚男今（11日）现身汽车品牌发布会，还获品牌方送赠新款电动车，二人都相当开心。而在接受媒体访问时，问到是否很喜欢研究电动车，王祖蓝就表示：“系呀！我基本上由有电车到而家，我基本上留意晒每一部电车嘅新闻。”表明无论家里用车还是自家公司的车都是电动车。

当提到在早前于《万千星辉贺台庆》中扮演叻哥（陈百祥）一事，问到在扮演前有没有向对方报备一声，王祖蓝就扬言：“叻哥冇所谓啦，我谂佢都。佢自己都做呢行，佢自己成日都咁样玩，大家咁样玩都冇乜所谓喺呢行。（惊唔惊撞到佢会尴尬？）唔会，叻哥边系咁嘅人，叻哥唔系方丈，冇问题嘅，（系唔系你度出嚟？）我度到临尾个两个礼拜都唔知做咩，每次都系咁，惊啲话题又过或者冇嘢扮，同埋而家有版权，有好多限制，其实我系谂唔到嘢扮，期待咗几耐终于有单叻哥，终于有嘢扮，我多谢叻哥。（扮叻哥要唔要掌门人（曾志伟）审批？）全部都睇过晒，公司高层有嚟睇彩排，总经理有睇，其实都系一笑置之咋嘛。”

而作为大埔居民，提到日前宏福苑发生五级火灾一事，王祖蓝就表示有认识的朋友住在那里，但已经离开了，一度讲到眼泛泪光：“有朋友喺个度，总之不容易，唔讲太多，安息。总之我可以讲警察而家讲紧个啲唔系咁理想嘅情况，有啲都系我哋识嘅人，大家守望相助，唔讲咁多。”希望朋友的家人会慢慢好。而他亦透露因为今次的不幸事件，自己有份筹办的“普世欢腾星光夜”演唱会活动将更改为“普世平安星光夜”，在舞台设计及演唱会内容上亦会作出一些更改。