现年61岁的黎燕珊是首届亚姐冠军，亦是圈中出名的美魔女。日前黎燕珊接受好友钟慧冰的YouTube节目访问，意外爆出疑似“黄昏恋”，直认现在有“比较close嘅朋友”，全程笑到见牙唔见眼，要用双手按压住眼角鱼尾纹，甜到入心。

黎燕珊1992年与70年代邵当红小生刘永结婚，并诞下一子一女，直至2000年，有指黎燕珊难忍刘永家暴及有外遇决定离婚，而且双方闹得极不愉快，更至不相往来的地步。访问中，钟慧冰提到昔日经常到黎燕珊和刘永位于邵氏片场前面的旧居打麻雀，黎燕珊即划清界线：“我未结过婚，咩两公婆啫，讲返起我啲伤心事。”她觉得“旧事不需记...冇以前嘅自己，又点会有今日咁开心呢？”她表示当年受离婚及父亲病重的双重打击，是人生一个重大历练，要靠做保险养起头家，问到有没有遗憾？黎燕珊坚定地说：“无遗憾，我对仔女咁乖，冇佢又冇我呢一对种子”。

黎燕珊多年来母兼父职照顾一对仔女，女儿刘咏诗去年诞女后，今年6月再补摆喜酒，父亲刘永当日缺席婚宴，黎燕珊则代替前夫拖著女儿进场，亲自把女儿的手交给女婿郑健民，场面感人。黎燕珊透露儿子亦有拍拖，自己等饮新抱茶，钟慧冰笑指仔大女大亦是时候找个伴侣，黎燕珊听罢大声笑说：“我知你想问乜，揾返个黄昏系咪呀，哈哈哈！”然后即用双手按实眼角鱼尾纹，冰姐见状踢爆：“你咁开心嘅，你唔好压住啲皱纹啦，做乜鬼啫。有嘞系咪呀？哗，你咁开心直情系有呀！我谂你...系咪呀？你睇吓你。”

黎燕珊笑到流眼水：“梗系开心啦，大佬！”定过神来再认真回答：“要嘅，想会有个伴嘅。我自己系一个教徒好多年，我信耶稣都廿几年，最重要系信仰要共同，同埋要信得过啦，大家要了解大家，呢一样系好重要，你话好朋友，你话比较close啲嘅系有，所以令到你会开心啰。”再被追问会否考虑再婚？黎燕珊流露一颗“少女心”坦白说：“都有呢啲憧憬，有架！”她觉得有个伴侣一齐去旅行亦是一件开心事。