临近年尾乐坛颁奖礼档期，人气男歌手张天赋（MC）再度卷入“豪赌风波”之中，近日有传他于澳门豪赌期间“输下数百万赌债”，相关传闻引起关注。

今晚（13/12）张天赋（MC）和洪嘉豪现身音乐会，MC就传闻大方接受《香港01》访问：“其实每年到年尾呢都有好多消息或者一啲故事，会有啲好多唔同嘅嘢都会出现，当然好多好多好多都唔系真，我觉得大家都要留意吓，自己分析吓究竟呢件事会系真定假。咁当然我头先回应咗传媒，全部都唔系真嘅，骗徒手法层出不穷。（会唔会出声明澄清？）其实以我所知嘅已经有好多，如果每样都要出声明，同埋大家只不过系讲，咁我又唔担心嘅。咁但系如果会牵涉到一啲严重啲嘅嘢呢，我谂呢个我会再同公司去商量。”

临近音乐颁奖礼，被问到会否认为有人借机造谣抹黑影响赛果时，MC就表示：“呢样嘢我就唔评论啦，不过我就相信，我听过一句说话，有人喜欢你，就一定会有人憎你嘅。或者话唔喜欢你啦，唔好用憎呢个字啦。喜欢你就一定有唔喜欢你，咁当我觉得都唔喜欢你嘅人好多呢，就等于喜欢你嘅人都好多嘅，咁我就反而会将呢个注意力放喺喜欢我嘅人度。”被问到会否安慰MC时，洪嘉豪就表示：“都唔需要，就好似佢刚才所讲嘅唔需要澄清，同埋我都好了解佢为人，所以就唔需要。”