失婚“大只Rocky”近日郑健乐高调认爱出名好身材的崔碧珈，今日崔碧珈就出席音乐会记者会。面对传媒追问恋情，崔碧珈竟坦言与郑健乐（Rocky）并不是男女朋友关系！

今日（14/12）崔碧珈接受访问时，表示因为要准备音乐会排练，所以11月回港时就揾“大只Rocky”郑健乐操fit。11月回港12月都未完就挞着？她回答：“其实私人事情不嬲都好低调，冇谂过要讲任何⋯⋯低调，但系工作上就会高调。”有没有因为关系被公开而生气？她也回答：“我系瞓醒先知道呢件事，咁就⋯⋯点讲呢？呢个我唔答佢𠮶边啲嘢。”她也多次强调，希望私人生活保持低调。

访问中，崔碧珈直言觉得“大只Rocky”郑健乐是一个好男人，更以“认识的人当中最高分的男人”去形容。她更以“朋友”称呼郑健乐：“我觉得佢都系一个好好嘅朋友，可以去多啲了解。始终男未婚女未嫁，佢又系单身，我都系属於单身。大家都系成年人嘅话，可以慢慢深入了解去相处。”

有记者问，两人是什么关系。崔碧珈就回答：“哈哈？好好好好好嘅朋友。（变返朋友？）唔系呀，你唔会咁样去讲㗎嘛。（怕唔怕佢伤心？）我谂佢唔会咁小气嘅，但系我觉得大家在心中就得，称呼系一个称呼，就好似平时拍拖叫老公仔，唔通又真系同佢结咗婚咩？其实都系一个称呼。（而家有冇拍拖？）哈哈哈，er。呢个我真系唔答啦，太私人。我觉得大家可以再深入了解。（有冇正式开始过？）我觉得系，大家系好好嘅朋友，然后佢都系一个好热情嘅人，咁，我同埋佢都系一个好单纯嘅人，所以佢对于⋯⋯我真系唔知点答。（佢单纯所以搞唔清关系？）我都好单纯，佢比我更单纯，咁但系我只可以咁讲，彼此都好好嘅，系啰，我觉得需要啲时间畀我哋。”