MIRROR是近年《叱咤乐坛流行榜颁奖礼》大赢家，亦有大批镜粉为撑偶像，不惜买黄牛飞入场投选“我最喜欢”奖项，甚至是课金做《叱咤》赞助商换飞。不过，月前MIRROR亲证今年将缺席《叱咤》，因同日晚上会于澳门举行“MIRROR First Day 2026”演唱会，有网民推断MakerVille与商台关系是否转差，甚至令江𤒹生（AK）上电台宣传都临时被取消。

由于以往场内观众席上，镜粉占非常多，今次MIRROR讲明缺席，虽然有部份镜粉仍坚持入叱咤场投“我最喜爱歌典”票支持偶像，有部份镜粉索性买飞去澳门睇骚见真人，估计叱咤入场券不及前几年难争。

而前日（13日）商台首席智囊陈志云接受访问时，先否认镜仔缺席是因为他与MakerVille行政总裁金广诚不和，并说：“我同金广诚边有牙齿印，冇啊，有咩演出，佢都预我一份去睇，又会帮我手买飞。”他理解歌手有时要揾钱去商演，会缺席颁奖礼，但也问：“如果有心嚟，嚟唔嚟到呢？都系嚟到嘅，澳门嚟香港有几远？不过惊太辛苦，不过有传闻话，其中一两位赶到过嚟，其实我都唔知佢哋会唔会嚟。不过叱咤系成个乐坛嘅事，如果佢哋真系唔得闲嚟，大家都会拥护呢件事。”

不过有镜粉就认为商台是“出口术”，为了谷飞派陈志云放风，他们称商台今年冷待MIRROR，DJ不常播MIRROR的歌，到他们缺席令到门票“滞销”、赞助商缩沙，就突然放料指个别成员或会出席，又认为商台既然可以派人去英国送奖畀黄伟文，都一样可派人去澳门送奖，别令偶像在演唱会赶头赶命赶返香港，影响演唱会表现。

镜粉更呼吁MakerVille和偶像“唔好跪”，留言：“唔该你哋千祈唔好跪呀！为咗拎个烂鬼奖返去，就算本身其实无特别缩短个 Show，对好多镜粉嚟讲都好重背叛感㗎！今年证明咗电台唔播歌我哋都会照课金俾镜仔啦，咁就更无理由为拎奖得罪呢班真正嘅金主呀！真系弊远大于利㗎！”、“陈生出口术，真心好核突。讲到有1~2位镜仔好恨返香港拎叱咤奖咁，你想人地嚟拎奖，不如商台送去澳门啦，唔好摆款：好核突、好肉酸、好老seafood feel X N次。”、“我要全世界见到，无镜嘅颁奖礼商台损失几多嘢，无论系金钱上定门面上！”、“有啲单位冇自知之明所以自己㶶飞就认啦，可唔可以唔好搞我啲仔？”、“做咩啫？商台冷待镜成年啦！宜家好啦俾你做一次冇镜嘅颁奖礼咪求仁得仁啰！唔通啲飞去唔到同赞助商交唔到差咩？又谂住R返一两个成员救亡呀？定陈生斋吹出口术？商台唔好咁核突啦！有奖你咪送去澳门啰(英国咁远都送啦）难先要你做嘛。”

而虽然陈志云指有一、两位镜仔或有可能出现，不过吕爵安昨日（14）在活动上被问起时，就回应说：“我就冇收到通知嘅，我31号同1号都系喺澳门表演，表演都去到夜晚，所以我都唔知道时间上做唔做到呢件事，我自己就未有通知需要出席，同埋我哋31号同1号都系团嘅表演，我冇收到呢个资讯。”