伍咏薇自爆曾扫两车战利品 自嘲专唱“失”恋歌望与Jeffrey合唱
撰文： 薯条
出版：更新：
伍咏薇日前罕有现身担任一日店长，吸引大批途人围观，争相自拍、攞签名，现场气氛有如小型见面会，她笑谓：“今日嚟嘅朋友都好热情，卖咗好多货好开心，大家都好肯使钱！”
伍咏薇现身落力带货，现场气氛有如小型见面会。（官方图片）
伍姑娘表示满意自己的销售额，更想不到首位客人是男士：“佢哋讲得啱，就嚟圣诞要谂送咩畀朋友，送健康产品系好选择，自己健康都想啲老Best健康！”她自己亦正准备圣诞礼物，最爱手写圣诞咭：“系咪好Old School？我觉得人与人之间，多咗好多电话、Send个message讲Happy New Year或者Merry Christmas就算，我啱啱收到喺柏斯嘅二哥寄畀我嘅圣诞咭，好窝心！”
伍姑娘表示满意自己的销售额，更想不到首位客人是男士。（官方图片）
伍姑娘透露平日是宅女，很多人以为她不会逛工展会，其实她最爱到会场购物：“其实我好多朋友都做产品，所以有好多老板朋友喺度，我呢啲小妇人嚟到就‘喂老板，我嚟撑吓你！’跟住大家又畀好多产品我。最高纪录嚟足四年，有两年仲要借人哋铺头啲大车仔，拖咗两车战利品返去！”
伍姑娘透露平日是宅女，很多人以为她不会逛工展会，其实她最爱到会场购物。（官方图片）
最近网民疯传30年前，她在十大中文金曲夺新人奖银奖的片段，伍姑娘说：“唔怪得呢排啲朋友系咁话我攞奖啦，95、96年𠮶段片嘛，我首《失落于巴黎铁塔下》呀嘛，我有印象！”她笑指初时看到片段感奇怪，但很开心大家仍然记得，还表示自己与“失”有缘：“我有《失落于巴黎铁塔下》、又有《失乐园》，我同失字好有缘，所以我有咩都失而复得，哈。”伍姑娘亦有留意Jeffrey的作品《失约巴黎》，更表示有兴趣与对方合唱。
伍姑娘有留意Jeffrey的作品《失约巴黎》，表示有兴趣与对方合唱。（官方图片）
对于再为《全民造星》担任评判，伍姑娘赞参赛者表演几好：“我系中段选未去到最后，都会望吓电视，睇吓心水𠮶一、两个，我估自己今年都会Tip中（赛果）。”问到会否被燃起唱歌瘾？她指自己同样热血：“热血唔分年龄，我都想同佢哋Jam吓歌，睇到佢哋愈嚟愈成熟，好Good。”